Cross Border Hametin Amizade Povu Kefa- Oekusi Featured

By Artur da Luz Novembru 28, 2018 6020
 Embaixadór Reggae Ras Muhamad  anima komunidade Kefa no Oekosi iha Festivál Cross Border. Foto: Kontributór Embaixadór Reggae Ras Muhamad anima komunidade Kefa no Oekosi iha Festivál Cross Border. Foto: Kontributór

DILI: Festivál Cross Border ba dahat ne'ebé realiza iha Kabupaten Kefa Menano ne'ebé anima husi Artista Indonézia Ras Muhamad ho Viki Salamor anima komunidade iha iha fronteira entre Timor Leste ho Indonézia iha area sosiál kultura turizmu, ekonomia ho relijiaun.

Embaixador Artista Reggae Indonézia Ras Muhamad iha ninia intervesaun hatete. Festival Cross border ne'e oinsá hametin komunidade sira ne'ebé iha fronteira ne'ebé importante tebetebes hodi hametin Amizade iha área kultura ekonomia sosiál, ho reliziaun nune'e komunidade sira iha fronteira kontinua metin liután.

Nia dehan, hanesan artista reggae komtinua hein desizaun husi governu Timor Leste ho Governu lokál NTT ba kontinusaun programa ne'e karik realiza iha NTT

ou Timor Leste.

"Bainhira programa festival Cross Border ne'e karik realiza iha Timor Leste ami artista Indonézia kontinua hein konvite husi Governu Timor nian hodi anima komunidade sira liuliu iha fronteira entre rai rua nian," Dehan Ras Muhamad iha konferensia Imprensa iha lapangan Umum Kefa Menano NTT, Sabadu (24/11).

Tuir nia,  hanesan artista Regge sei anima seremonia ne'ebé partisipa husi komunidade

iha Kefa Menano ho Timor Leste liuliu sira ne'ebé hela fronteira hodi hametin liután lasu Amizade iha vida moris loron loron nian.

Nune'e perwakilan Kementrian Parawista Repúblik Indonézia Herbin Saragi dehan. Lori Kementrian  Parawista  Repúblik  Indonézia  nia  naran hato'o  benvindu  ba komunidade  sira Spesial Timur Tengah utara liuliu Kefa Menano.

Nune'e festival kross Border Atanbua ne'ebé realiza iha Kabupaten Timur Tengah Utara ba haat no ikus mak iha Kefa Menano, iha ne'ebé inisiu realiza iha Atanbua, nune'e kontinua tan iha Malaka, tuir tan Iha Atanbua no ikus liu mak Kefa Menano.

Festival cross Border ba dahat ne'e ho títulu spirit of friendship. Ho esforsu tomak dezenvolve Indonézia liuliu komunidade sira dok husi Java liuliu sira iha fronteira ho Timor Leste tanba planu ne'e husi Prezidente da Repúblika Indonézia ho estadu Timor Leste nia akordu.

Herbi Saragi hatutan. Objetivu husi eventu cross broder ne'ebe realiza iha Kefa Menano atu hasae atividade moris liuliu komunidade iha Kabupaten Timur Tengah Utara atu nune'e hetan visita husi turista husi nusantara ho turista estranjeiru liuliu Maluk sira Timor Leste.

Nune'e iha oportunidade ne'e mós liu husi festival cross Border ne'e dezenvolve mós iha setór turizmu nian liuliu iha atividade tour and Travel, Hotel nomós kulinária sira hetan reseita makas iha Kefa Menano.

Nune'e nia dehan. Iha festival ne'e mós bele hametin lasu Amizade entre komunidade Kabupaten Timur Tengah Utara ho Timor Leste liuliu Oe Cusse tanba rai rua ne'e mak viziñu hodi hametin liután lasu Amizade entre iha setór oioin.

Entretantu reprezentante Embaixada Indonézia ba Timor Leste Head Of Office/ First Secretary Marya Onny Silaban hatete. Eventu corss broder ne'ebé ba dalahat realiza iha Kabupaten Timur Tengah Utara liuliu Kefa Menano hodi hametin lasu Amizade entre Komunidade sira iha Kefa ho Oe Cusse iha setór kultura no sosio ekonomia.

Ne'e duni Diplomata ne'e fiar katak ho eventu ne'e bele hametin liután estadu rai rua ne'e iha kooperasaun bilateral oioin.

Tanba ne'e Diplomata haktuir katak ba futuru Governu rai rua ne'e sé deskuti planu atu realiza atividade ne'e iha Timor leste.

Observasaun ne'ebé Jornalista ne'e nota iha terenu katak kuaze komunidade rihun rua resin husi komunidade Timor Leste no Komunidade Kefa mak partisipa iha eventu ne'e.

Iha eventu ne'e mós realiza atividade jogu voli bola, ho jogu seluk nomos feira hodi halibur komunidade sira iha Kefa Menano.

 

Rate this item
(0 votes)

Independente Digital TV