Sexta, 24 Setembru 2021 | Login
×

Atenção

JUser: :_load: Não foi possível carregar usuário com ID: 428
Bee moos Bee moos

Bee La Mai, Komunidade Komoro Kontinua Selu

DILI: Komunidade suku Komoro preokupa  tanba too agora bee moos mai la stabil no sira sei konfuzaun ho tarefa selu nian bazeia ba kontadór ne’ebé diresaun Servisu Água no Saneamentu (SAS) monta iha kada uma maibé la iha sosializasaun.

Madalena Salsinha husi Aldeia Moris Foun C suku Komoro ba diáriu ne’e afirma, kada fulan nia ba selu iha SAS maibé, bee mai  la stabil depois ezije hakarak ema ba selu.

 “Iha suku Komoro implementa ona tarefa selu bee moos maibé bee maran hela de'it. Ami sei ba buka bee nafatin. Ema kumpre ona nia devér atu selu, maibé husi parte SAS mós tenke tau matan ba ema  nia direitu atu asesu ba bee moos,”  dehan Madalena, Domingu (12/02).

Lamentasaun hanesan husi  Aldeia Moris Foun B Suku Komoro Cesário Sarmento dehan, kada fulan sira ba selu bee PAM, ne’ebé sira uza ona maibé antes ne’e SAS  la mai halo sosializasaun ba sira oinsá  selu tarifa bee mos nian tuir kontadór ne’ebé sira monta ona.

“Ami kada fulan ba selu, dala ruma selu too  $ 15.  Ida ne’e selu bazeia ba ponteiru ne’e ka oinsá. Tanba ami rasik la kompriende”,  Cesário husu.

Nia husu nafatin ba parte SAS  atu ba hare situasaun ne’e tanba durante ne’e sira ativu selu, maibé bee la sai boot no sira obrigadu tenke uza tan Sanyo ne’ebé halo sira lakon dala rua.

Entretantu Komunidade Aldeia Moris Foun B Júlio Maia hatete, bee ne’ebé Diresaun Nasionál Servisu Água (DNSA) fo mai ne’e la sufisiente tanba fo mai ki'ikoan, entaun presiza liga fali ho sanyo mak foin sai rezulta sira tenke lakon dala rua.

Nia mós rekoñese katak, buat hirak ne’e implementa atu bele aumenta reseita estadu maibé estadu mos presiza tau atensaun hodi nune'e bele halo balansu, katak ema selu maibé be moos tenke mai lancar.  

Read 756 times
Rate this item
(0 votes)

About Author