Tanba ne’e, Deputada Bankada FRETILIN Maria Angelica Rangel lamenta tebes governu no kompania abandona projetu ne’ebé rezulta komunidade uza au ba ai-rin eletrisidade.

“Ita nia komunidade Loi-Lubu munisipiu Baukau ne’e komunidade harii rasik ai-rin eletrisidade ho Au ne’e labele tanba osan barak mak aprova ba sosa airin elerisidade,”Dehan nia iha Plenaria PN,Horisehik.

Razaun komunidade uza au ba ai-rin eletrisidade , nia dehan, tanba Suku loi-lubu dook husi kapital munisipiu  Baukau, tanne’e komunidade ho inisiativa rasik hodi dada fiu eletrisidade ho airin au mai sira nia fatin.

Maske, deputada ne’e afirma, komunidade rasik esforsu aan hodi dada eletrisidade mai sira nia hela fatin maibe, ohin loron parte EDTL Munisipiu Baukau kontinua monta prepagu iha sira nia fatin hodi obriga komunidade tenke sosa atu bele asesu naroman eletrisidade.

 Tanba ne’e, nia husu Governu atu ba hare direita hodi resolve imediatamente tanba tempu udan ona mak airin kontinua uza au bele fó ameasa ba komunidade sira nia vida.

Responde kestaun ne’e, Vise Ministru Obras Publika ,Eletrisidade no servisu Agua Saneamentu  Januario Pereira hateten, Governu liu husi  Eletrisidade Timor-Leste (EDTL) dadaun esforsu aan atu dada eletrisidade ba komunidade iha teritoriu TL hodi asesu naroman enerjia eletrika duirante oras 24

Governante ne’e hatete, komunidade sira ne’ebé hela dook husi Estrada tenke hakbesik aan ba Estrada atu  fasil asesu ba dezenvolvimentu ne’ebé estadu planeia ona.

Nia informa, Dezenvolvimentu eletrisidade iha Timor-Leste iha progresu bo’ot kompara ho tinan hirak ba kotuk tanba Povu kuaze maioria asesu ona ba enerjia eletrisidade.

“Governu liu  husi EDTL kontinua esforsu aan nafatin hodi hadia failansu sira ne’ebé durante ne’e akontese iha terenu,” nia promete.