Items filtered by date: Kinta, 19 Fevereiru 2026

DILI: Tuir planu, hahú iha fulan Marsu ne’e, Diresaun Nasional Tranzitu Seguransa Rodaviaria, Polisia Nasional Timor-Leste, hamutuk ho Diresaun Nasional Transporte Terrestre sei halo operasaun hodi kontrola motor eletriku ne’ebé sirkula iha kapital Dili.

Operasaun ne’e halo hafoin DNTSR-PNTL asina nota kooperasaun ho DNTT kona-ba kontrolu ba movimentu motor eletriku.

Xefe Departamentu Koodenasaun Jestaun Risku, Formasaun Edukasaun Sivika, DNTSR-PNTL, Asistete Polísia Domingos Gama hatete, medida ne’e foti tanba movimentasaun motor eletrika ne’ebé aumenta maka’as no dala-barak envolve labarik sira ne’ebé la kumpre regra tranzitu.

“Dala-barak liu labarik menoridade mak sa’e.Dala-ruma tula ema rua ka tolu, no la kumpre ba iha Kóndigu Lei Estrada númeru 6/2003, lil-iu la uza kapasete no la respeita sinais trázitu,” dehan nia ba Jornalista sira, Segunda (16/03).

Ho preokupasaun ne’e, nia hatutan, iha semana hirak ba kotuk, CNTSR-PNTL ho DNTT realiza enkontru konjunta ida atu oinsa foti medida ba motor kiik sira.

Motór eletriku ne’e, nia hatutan, la la konsidera hanesan bisikleta, maibétanba iha kategoria motor siklu roda rua no roda tolu tuir Lei Kodigu Estrada nu.6/2003, artigu 101.

Tanba ne’e, utilizadór sira iha obrigatoriu atu tenke iha karta kondusaun, rejista veikulu no uza kapasete bainhira sirkula iha dalan publiku.

Kona-ba karta kondusaun, nia esplika, Lei Kódigu Estrada artigu 120,define kona-ba sidadaun sira ne’ebé bele asesu karta kondusaun, hahú ho idade tinan 16 ba kategória A1, no kategoria AB, C, no E ba sira ho idade husi tinan 18 ba leten.

“Kuaze iha kapitál Dili ita haree no observa labarik minoridade sira tinan 10 no tinan 11 sira komesa domina motór scuter,” dehan nia.

Tuir nia, velosidade husi motor eletrika ne’e kuaze atu hanesan ho motor baibain, tan ne’e hakarak ka lakohi DTSR ho DNTT tenke hola medidas.

“Atu avizu ba públiku, liu-liu ba inan-aman sira, atu sosa karik (motor eletriku) ba oan sira ne’ebé mak ho idade adultu, pelumenus 16 anos ba leten,” dehan nia.

Bainhira atu sosa motor ne’e, nia hatutan, tenke trata dokumentus no rejista iha DNTT atu bele kontrola ninian identidade.

“Ba labarik ne’ebé menoridade, bele karik inan-aman sira labele autoriza par utiliza motor scuter,” dehan nia.

Iha fulan oin, nia afirma, autoridade sei hahú operasaun.Karik deteta labarik sira uza motor eletrika, sei bolu inan-aman hodi halo deklarasaun.

Nia dehan, iha fulan oin husi Diresaun Tránzitu Seguransa Rodaviaria Nasionál hamutuk DNTTsei pasa revista kona ba dokuemntu sira husi motor scuter ne’e.

“Sescuter ne’e mak la rejistu,ita sei prende.Karik sira utiliza mak la utiliza kapatese mós ita sei prende. Karik ita identifika mak komete infrasaun ruma, nia koima ne’e hanesan ho motorizada baibain,” dehan nia.

Editor: Jorgino dos Santos

KADA dader, labarik sira iha aldeia Mausuka, Suku Maununu, Postu Administrativu Ainaro, Munisipiu Ainaro,lao ba sira-nia edifisiu eskola ne’ebé didin ho kalen metade de’it no bainhira iha tempu udan monu rai, udan-been sulin mós tama iha eskola laran.

Iha eskola ne’ebé hanaran Eskola Filial Dugahau ne’e iha sala tolu ne’ebé durante ne’e sai fatin ba estudante na'in 85 husi klase dahuluk to'o datoluk halibur no aprende ho ekipamentu ne'ebé mós limitadu.

Xefe Suku Maununu, Valente Ramos, konta “Ami-nia komunidade mak harii rasik eskola ne’e, uza kalen no ai. Maibé ninia kondisaun la merese.Iha tempu udan, bee tama ba eskola laran no labarik sira tenke para estuda. Kadeira no meza iha maibé uitoan, bibluateka mós laiha.”

Manorin sira esforsu tuir kbiit ne’ebé sira iha hodi hanorin estudante sira, maibé fasilidade ne’ebé la sufisiente sai dezafiu boot ida.

Estudante sira tuur hamutuk iha kadeira ne’ebé kloot, hakerek iha kadernu ne’ebé sira iha, no aprende mós hodi adapta an ho kondisaun sala ne’ebé la seguru.

“Fatin la dignu atu halo aprendizajen.Tempu udan dala-ruma sira la eskola tanba kondisaun eskola mak ladi’ak,” dehan Xefe Suku ne’e ba Jornalista Jornal INDEPENDENTE, iha Ainaro, Segunda (16/02).

Kondisaun hanesan mós akontese iha setor saude. Suku Maununo iha de’it sentru saude ida ho enfermeira no parteira ida. Laiha doutor permanente, aimoruk menus, no fasilidade mediku ne’ebé iha dook tebes husi liafuan sufisiente.

“Sentru Saude ne’e mós fasilidade menus, aimoruk menus, fatin atu baixa mós la di’ak,” dehan Xefe Suku ne’e.

Bainhira komunidade sira moras, sira tenke la’o ho distansia ne’ebé dook, kuaze kilometru neen, hodi bele asesu ba fasilidade saude iha Postu Administrativu Ainaro.

Kondisaun estrada ne’ebé liga suku ne’e mós aumenta komunidade nia sofrimentu.Laiha transporte públiku ne’ebé tama tanba kondisaun estrada ne’ebé aat.

"Ami presiza tebes médiku permanente ida iha ne'e. Daudaun ne'e, iha de'it númeru pesoál médiku ne'ebé limitadu, no distánsia ba Postu Ainaro difikulta atendimentu ba pasiente, liu-liu ba inan isin-rua no ferik-katuas sira."

Xefe Suku ne’e hein katak governu, liu-liuMinistériu Edukasaun no Saude, sei halo intervensaun.

Maski moris ho limitasaun, labarik sira-nia hatudu nafatin sira-nia entuziazmu atu aprende no atensaun husi komunidade Maununu hatudu sira-nia determinasaun ne’ebé maka’as atu hadi’a sira-nia futuru.

Sira-nia istória sai ne’e sai hanesan lembransa ida katak asesu ba edukasaun ne’ebé adekuadu no kuidadu saúde sai nafatin luta boot ida ba komunidade sira, liu-liu sira ne’ebé hela iha area rurál iha teritoriu Timor-Leste.

Editor: Jorgino dos Santos

DILI:  Primeiru Ministru, Kay Rala Xanana Gusmão sei vizita ba munisípiu hotu hodi hare direta kondisaun ne’ebé sira iha, hafoin Governu bele deside munisipiu priénxe ona kritéria implementa desentralizasaun podér lokál iha 2027.

DILI: Governu Brunei Darussalam liu husi Ministru Negósiu Estranjeiru II Brunei Darussalam, Erywan bin Pehin Datu Pekerma Jaya Haji Mohd Yusof manifesta apoiu Timor-Leste asume prezidénsia ba ASEAN iha 2029.

Ministru Negósiu Estrajeiru no Kooperasaun (MNEK), Bendito dos Santos Freitas hato’o apresiasaun kle’an ba Brunei nia apoiu durante prosesu adezaun ba ASEAN no reafirma kompromisu Timor-Leste nian hodi kumpre ninia obrigasaun rejionál sira, inklui preparasaun ba Prezidénsia ASEAN 2029 nian

“Ita simu, ita-nia bainaka  Ministru Negósiu Estranjeiru II husi Brunei  Darusalam ne’ebé mai vizita ita ofisialmente, iha primeira vizita nu’udar Ministru Negósiu Estranjeiru ba ASEAN ni’an. depois  Timor-Leste ofisialmente sai membru plenu ba ASEAN, iha fula outubru tinan kotuk,” Dehan Ministru Bendito, hafoin hala’o enkontru bilaterál ho nia omológu Ministru Negósiu Estranjeiru II Brunei Darussalam, Erywan Pehin Yusof, iha edifisiu MNEK, Praia dos Coqueiros, Dili, Kuarta (18/02).

Vizita ida-ne’e, Ministru Bendito afirma, objetivu atu konsolida parséria bilaterais estratéjika Estadu membru rua, Timor-Leste ho Brunei Darrusalam  liu-liu ba área sira ligadu ba kooperasaun ekonómiku,  infraestrutura, konektividade, kapasitasaun rekursu umanus.

“No mós apoiu ba Timor-Leste ni’an nu’udar prezidénsia ba ASEAN  ne’ebé sei akontense iha 2029. Ida ne’e mak Ministru mai iha ne’e, atu demonstra, manifesta no vontande apoiu ne’ebé husi Governu Brunei nian mai ita ne’ebé reprezenta husi Ministru,” Nia informa.

Aliende ne’e, nia fundamenta, asuntu prinsipál ida mak sei estabelese mekanismu koordenasaun bilaterál entre país rua ne’e, atu haree tenknikamente, prioridade ba area saida, entre nivél tékniku sira diskute. Depois  rekomenda ba desizaun estratéjiku entre governu rua ne’e, atu bele ezekuta  liu-liu kona-ba kooperasaun bilateral País rua, Timor-Leste ho Brunei.