Ratifikasaun Tratadu FM iha Hela Faze Diskusaun Featured

By INDEPENDENTE Jullu 02, 2019 4241
mina no gas timor mina no gas timor

DILI: Data klaru ba ratifikasaun tratadu Fronteira Maritima to’o ohin seidauk klaru. Governu Timor Leste rasik fó sai katak prosesu ba ratifikasaun ne’e sei iha faze diskusaun.

Ministru Reforma Lejislativa Asuntu Parlamentar (MRLAP), Fidelis Maglhaes hatete, governu daudauk ne’e sei iha hela faze preparasaun hodi analiza no halo hela diskusaun kle’an ba ratifikasaun tratadu FM molok despaisa ba Parlamentu Nasionál (PN).

Ministru Fidelis afirma, governu daudauk ne’e halo hela estudu no diskusaun ho entidades relavante hotu tanba ratifikasaun ba tratadu ne’e envolve rai rua, Timor Leste no Australia.

“Atu aprezenta (ba) PN hein lai, prosesu sira ne’e finaliza hotu lai, tanba prosesu sira ne’e kompleksu. Prosesu ne’e mós envolve diskusaun entidades, fator komersial sira hotu no envolve nasaun rua,” dehan Fidelis iha salan Ministériu Finansas, Aitarak Laran, Sesta (28/6).

Fidelis dehan, governu hato’o ona notifikasaun ba PN kona-ba preparasaun ratifikasaun FM ne’ebé daudauk ne’e governu halo hela.

“Ami halo notifiksaun ba PN kona-ba preprasaun ratifikasaun tratadu FM ne’ebé mak agora daudaun la’o hela, to’o ona iha ne’ebe, ba oin halo ratifikasaun ne’e oinsa, ne’e ami informa  hotu ona ba PN”.

“Agora iha hela diskusaun tanba ne’e komplesu hela. Ha’u hanoin tempu badak ita hakarak ka lakoi ita sei ba oin,” deklara ministru ne’e.

Rate this item
(0 votes)

Independente Digital TV