Tuir kronolojia ne’ebé konta husi Diretór Jerál SEPFOPE Paulo Alves katak Matebian Baltazar Almeida kareta xoke iha loron sesta (27) tuku 3:00 tanba sae kareta ho velosidade aas ne’ebé kondutor koreanu la kontrola an hodi xoke kareta husi kotuk .
“Ha’u telephone direita ba iha Traballador sira iha Gumi parte Korea nian no kontaktu kedas Adido katak traballador hetan dezastre trafégu iha oras servisu no mate fatin,”dehan Iha nia kna’ar fatin-Kaikoli,horisheik.
Iha loron Domingu, tuku 4:00 lokraik Mate isin Basty lori sai ona husi area GUMI ba Ospitál hodi hein prosesu lori mai iha Timor-Leste.
Diretor Jerál ne’e dehan, dadaun ne’e Governu TL sei trata hela dokumentus ba Administrasaun ne’ebé loron lori mate isin mai TL seidauk fiksu.
“Familia matebian rasik mos mai direita iha edifisiu SEPFOPE hodi konfirma maibé parte SEPFOPE esplika ho husu atu hein prosesu administrasaun hodi lori fila mate isin mai TL,”dehan nia.
Matebian Baltazar Almeida (Basty) husi Munisipiu Manufahi hahú servisu area industria – GUMI iha Korea Súl fulan –Febreiru tinan 2015 no matebian husi
Tuir dadus husi Sekretariu Estadu Politika Formasaun Profesionál no Empregu hatudu katak traballdór ne’ebé mate iha Korea Súl hamutuk nain 8 ona.
