EUA Louva Maturidade Polítika Povu TL Featured

By Cristina Ximenes Fevereiru 21, 2018 1104
Amerika Amerika

DILI: Povu Timor-Leste ultrapasa ona situasaun balun iha prosesu konstrusaun Estadu. Ne’e duni, Estadus Unidus Amérika (EUA) louva ho maturidade polítika povu nasaun ne’e nian iha eleisaun antesipada oin mai.

Embaixadora EUA, Kathleen Fitzpatrick hateten, perspetiva EUA nian ba eleisaun antesipada fiar katak eleisaun ne’e sei la’o di’ak no susesu tanba povu TL komesa iha ona maturidade.

Buat hotu-hotu fila-fali povu Timor-Leste maka deside. Tanba ne’e, ami nia prinsípiu ami suporta prosesu demokrátiku Timor-Leste no suporta instituisaun sira seluk no mós suporta mós desizaun povu TL”, dehan Embaixadora EUA hafoin enkontru ho Prezidente Repúblika, iha Palásiu Prezidensiál Bairru-Pité, horisehik.

Amérika apoiu prosesu demokrátiku iha TL dezde ukun rasik aan.

Embaixadora foun EUA mai Timor-Leste ba dahuluk hala'o misaun iha nasaun ne’e, ne’e duni halo vizita kortezia hasoru Xefe Estadu hodi kumprimenta no atualiza relasaun entre nasaun rua ne’e.

Igreja Protestante Husu Mantein Pás

Iha fatin hanesan, Prezidente Igreja Protestante Hossana TL, Maria Filomena de Vasconcelos, husu ba sarani sira no ba kristaun sira ne’ebé iha Igreja Protestante ninia atu mantein pás no estabilidade iha eleisaun antesipada.

Nia dehan, ba sarani sira hotu no ba kristaun sira hotu ne’ebé iha Igreja Protestante ninia hanesan ema pás na’in tenke hotu-hotu kontribui ba eleisaun antesipada.

Rate this item
(0 votes)

Independente Digital TV