Xanana: CNRT Tinan 10 Ukun Seidauk Halo Buat Barak Featured

By INDEPENDENTE Juñu 22, 2017 2660
Militantes no simpatizante CNRT simu nia Presidente Xananja Gusmao iha kampanha loron dahuluk iha Covalima Militantes no simpatizante CNRT simu nia Presidente Xananja Gusmao iha kampanha loron dahuluk iha Covalima

COVALIMA:Presidente Partido Congresso Nacional Reconstrucao Timorense (CNRT), Kay Rala Xanana Gusmão rekoñese nia partidu ukun tiha tinan 10 maibé seidauk halo buat barak ba progresu dezenvolvimentu ba povu no nasaun ne’e.

Kampaña ba loron dahuluk iha kampu futebol Suai nian, Xanana dehan ema barak kritikas CNRT dehan ukun tinan 10 ona maibé la halo buat ida. Eis Komandante Gerileiru ne’e simu kritikas sira ne’e maibé nia afirma katak rai sira seluk ukun tinan 40 ou 50 nia laran maibé Timor-Leste nia dezenvolvimentu di’ak liu fali sira.

“Vota ba CNRT hanesan vota ba nasaun ne’e nia futuru, tanba CNRT mak bele garante unidade nasional, dezenvolvimentu, paz no estabilidade,”dehan Xanana

Xanana konversa nafatin nia militante katak CNRT uluk halibur Timoroan ba ukun rasik an, agora CNRT halibur tan Timoroan ba dezenvolvimentu no ba moris di’ak.

“Ha’u mesak ha’u labele, tanba ne ha’u husu ba imi nia poiu mai hamutuk ho CNRT ita sei halo buat rumaiha tinan lima ne’e nia laran,”tenik Xanana

Iha fatin hanesan, kordenador Partidu CNRT Munisipiu Covalima, Saul Amaral fiar katak partido CNRT sei manan maioria iha Covalima.

“Ami Cavalima sei vota ba CNRT, laiha tan dalan seluk atu nune’e bele lori Maun Boot Xanana ba ukun mesak hodi hadia povu no nasaun ne’e nia moris,”hateten Saul.

Tuir observasaun diario ne’e, kampaña ba loron dahuluk hetan partisipasaun maximu husi militante no simpatizante sira. Aliende ne’e, hetan mós partisipasaun maximu husi lider partido CNRT sira. 

Rate this item
(0 votes)
Last modified on Kinta, 22 Juñu 2017 15:59

Independente Digital TV