Sábadu, 23 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prezidente PN, Arão Noe de Jesus Prezidente PN, Arão Noe de Jesus

PPN-PM Diskute Orsamentu Fulan-Setembru Featured

DILI: Prezidente Parlamentu Nasionál (PPN) ho Primeiru Ministru (PM) hasoru malu hodi diskute orsamentu antesipada ba fulan Setembru nian hodi hein promulgasaun husi Prezidente Repúblika (PR) ba Orsamentu Jerál Estadu (OJE) 2018 nian.

Prezidente PN, Arão Noe de Jesus hatete, Primeiru Ministru mai iha Uma Fukun hodi halo diskusaun ba OJE 2018 nian ne’ebé Xefe Estadu rasik seidauk promulga.

“Governu agora prosesa ona pagamentu funsionáriu públiku sira nian, maibé osan ba fulan-Setembru ne’e laiha ona”, tenik nia, iha Uma Fukun PN, Sesta (14/9).

Bainhira Prezidente Repúblika la promulga OJE ne’e iha fulan-Setembru nia laran maka sei laiha ona atu halo pagamentu. Ne’e duni, Ne’e duni, na’i ulun rua ne’e tuur hamutuk hodi buka ninia solusaun.

Ne’e duni, enkontru ne’e oinsá PN bele apoiu Governu hodi buka alternativa hodi funsiona nafatin mákina estadu hodi hein Prezidente Repúblika promulga OJE 2018.

Iha fatin hanesan, Ministru Reforma Lejizlativa Asuntu Parlamentár (MRLAP), Fidelis Magalhães hatete, enkontru husi lideransa órgaun soberania rua ne’e ko’alia kona-ba funsionamentu mákina estadu iha fulan-Setembru nia laran.

“OJE 2018 nian agora ne’e hein Prezidente Repúblika promulga, atu nune’e Governu bele ezekuta ona hodi funsiona mákina estadu”, dehan nia.

Dotasaun Orsamentu Temporaria (DOT) ne’ebé governu foti tokon $142 ne’e ba fulan-Jullu no Agostu nian de’it, fulan-Setembru osan laiha ona. Ne’e duni, órgaun soberania rua ne’e tuur hamutuk hodi hanoin atu bele garantia pagamentu iha fulan-Setembru nia-laran.

Governu Ezije Promulga Lalais OJE

Entretantu, Ministru Fidelis hateten, OJE 2018 atu finansia husi fulan-Setembru to'o Dezembru. Orsamentu nesesáriu tebes hodi ezekuta iha fulan haat. Ne’e duni, bainhira la promulga lalais konsekuénsia boot ba povu ho nasaun.

Durante ne'e Governu finansia husi orsamentu duadesimu tanba orsamentu ne'e la sufisiente atu regula roda ekonomia, maibé ninia funsaun asegura mákina estadu. Tanba ne'e, governu presiza iha orsamentu atu aselera dezenvolvimentu.

Ne’e duni, Governu hakarak OJE ne'ebé aprovadu bele promulga hodi sirkula lalais ba apoiu servisu mákina estadu nian durante fulan haat (4).

Read 6322 times
Rate this item
(0 votes)