Partidu Demokratiku Kompromete Kria Banku Movel Featured

By Jasinto Fernandes Abril 19, 2018 854
ASSANAMI iha Ainaro ASSANAMI iha Ainaro

KOVALIMA: Partidu Demokratiku PD Kompromete sei kria banku movel hodi halo pagametu ba ferik katuas sira tama to’o iha baze.

Prezidente Konsellu Politika Nasionál Partidu Demokratiku Adriano do Nacimento hatete, Politika Partidu Demokratiku durante ne’e observa hela situasaun ferik no katuas sira nian durante ne’e governu halo pagamentu ba ferik no katuas sira,  maibé too posto administrativu sira hafoin simu nia osan.

Durante ne’e ami observa kada fulan neen foin mak sira simu nia pensaun tanba ne’e kuandu PD manan sei hafoun fali sistema pagamentu atu nune’e kutuas no ferik sira simu nia pensaun kada fulan ida la’os ba to’o fuan neen hafoin sira foti hetan nia direitu.

 “Ha’u husu ba povu Kovalima tomak iha loron 12 Maiu atu vota ba PD atu nune’e bele hadia sistema pagamentu ba ferik no katuas sira nian,” Dehan Loro Mau iha kampu Ladi Kovalima, horisehik.

Iha fatin hanesan tuir Presidente Partidu Demokratiku PD Mariano Assanami Sabino kompromete ba povu kovalima tomak kuandu PD manan  sei hasa’e pensaun ferik, katuas nian liu dolar $ 30,00 ne’ebé governu anterior hatur ona.

“pensaun ba ferik no katuas sira ne’e imi nia direitu konstitusional tanba ne’e PD kuandu manan sei aumenta osan ba pesaun liu $ 30.00 ida agora ne’e” dehan Assanami iha kampu Ladi Kovalima horseik

Alende ne’e Partidu Demokratiku PD sei fasilita mós doutor sira atu halo movel hodi halo tratamentu ba ferik katus sira iha nia uma tanba ne’e husu ba povu tomak atu depozita forsa mai iha partidu PD iha eleisaun atu nune’e bele hadia povu nian moris.  

Kampaña iha Covalima, PD mós kompromete ba povu tomak katak sei kontinua politika no programa anterior nian hodi dada kadoras mai iha Suai atu nune’e bele fó servisu ba foin sa’e sira.

Programa dada kadoras mai iha Suai ne’e programadu ona iha Planu Estratejiku Dezenvolvimentu Nasional (PEDN) tanba ne’e kompromete sei kotinua dada kadoras mai iha Suai.

Planu Estratejiku Dezenvolvimentu Nasional PEDN ne’e program Partidu Demokratiku nian tanba ne’e PD mak hatene liu oinsa atu bele implementan.

“Ha’u dehan Partidu Demokratiku kompromete sei dada kadoras mai iha Suai atu nune’e bele fó benefisiu ba povu tomak,” dehan Assanami.

Partidu Demokratiku iha komitmentu politika atu dada kadoras mai iha Timor tanba ne’e supply base ne’ebé agora daudaun implementa iha Beasu, Betano no Suai ne’e atu loke kampu servisu hodi emprega joven Timoroan tomak.

Planu Estratejiku Dezenvolvimentu Nasional PEDN define ona atu tau refinaria iha Beasu ne’e planu ida ne’ebé diak tebes tanba ne’e PD hakarak kontinua programa ne’e tanba produsaun petroleum iha TL ekonomikamente sei fó benefisiu boot ba povu.

kuandu kadoras dada mai iha Suai sei hamenus dezempregu iha rai laran, ema barak sei hetan servisu no sei bele eleva ekonomia familiar.

Rate this item
(0 votes)

Independente Digital TV