×

Atenção

JUser: :_load: Não foi possível carregar usuário com ID: 422

Ohin, Kongresista 5.000 Partisipa Kongresu Nasionál PD

By Fevereiru 24, 2017 1198
Kongresu Partido Demokratiku ba dala-II Kongresu Partido Demokratiku ba dala-II

DILI: Partidu Demokratiku (PD) tuir planu ohin, Sesta (24/02), sei realiza Kongresu Nasionál ba dala tolu. Kongresista ne’ebé sei partisipa iha eventu ne’e hamutuk 5.000.

Prezidente PD, Adriano do Nascimento hatete, kongersu nasionál ne’e sei hetan partisipasaun husi kongresista husi munisipiu 12, inklui rejiaun administrativu espesial Oekusse.

Iha kongresu nasionál ne’e, asuntu importante ne’ebé sei koalia mak relata progresu no susesu ne’ebé mak atinze ona, halo revizaun ba estatutu partidu nian, debate politika liña jeral no halo re-estruturasaun hodi hili lideransa foun ba PD ba tinan lima oin mai.

“Komisaun organizadora halo ona preparasaun ne’ebé masimu tebes ona atu atende ba eventu importante ne’e,” dehan nia.

Kongresu ne’ebé sei hala’o iha Sentru Konvensaun Dili ne’e sei hala’o durante loron tolu nia laran, hahú husi Sesta no sei remata iha Domingu (26/02).

Rate this item
(0 votes)

Independente Digital TV