×

Atenção

JUser: :_load: Não foi possível carregar usuário com ID: 425

Lu-Olo La Partisipa Kampaña Eleisaun, Fiar Nafatin FRETILIN Manan Featured

By Maiu 02, 2017 1726
Kampanye FRETILIN iha Likisa Kampanye FRETILIN iha Likisa

DILI: Futuru Prezidente da Repúblika (PR), Francisco Guterres ‘Lu-Olo’ hateten sei la partisipa iha eleisaun lejizlatura, maibé fiar metin katak partidu FRETILIN sei nafatin hetan vitória.

“Tomada de pose 20 de Maiu ha'u labele partisipa ona iha kampaña parlamentár, maibé ha'u fiar metin kamarada sira(…) lori vitória dala ikus liután iha eleisaun parlamentár oin mai”, dehan nia, liu husi ninia diskursu jantár hamutuk ho kuadru no militante FRETILIN, iha Terra Santa Komoro-Dili, Sábadu (29/4).

Tanba ne’e nia enkoraja nafatin ba estrutura sira no kuadru partidu nian labele ta'uk hasoru dezafiu sira ne'ebé sei hasoru iha eleisaun lejizlatura oin mai.

Nia dehan, Sekretáriu Jerál ho ekipa téknika husi membru Comite Central FRETILIN (CCF) haree daudauk ona polítika alternativa FRETILIN nian atu bele aprezenta ba governasaun rai ne’e nian.

Ne’e duni, nia fiar katak FRETILIN sei aprezenta ninia programa ne'ebé povu tomak atu bele aseita hodi sai alternativa ba ukun iha 2017-2022.

Iha fatin hanesan, Sekretáriu Jerál FRETILIN, Mari Alkatiri hateten, nia parte sei preokupa tebes bainhira atu hasoru eleisaun lejizlatura ne'ebé sei mai.

Maibé, FRETILIN garantia 100% ho ninia membru no kuadru no militante simpatizante sira sei servisu makaas atu hetan vitória dala ida tan iha eleisaun lejizlatura nian.

“Ita garantia 100% ba Prezidente Lu-Olo katak, ami sei halo buat hotu-hotu atu manan iha eleisaun mai agora”, dehan Alkatiri.

Entretantu Sekretáriu Jerál ne’e dehan iha jantár ohin kalan ida ne’e atu halibur hamutuk kuadru militante partidu FRETILIN tomak, atu la’o hamutuk hodi hametin unidade atu manan iha eleisaun oin mai.

Agradese Ekipa Susesu

Iha selebrasaun ne’e, Prezidente Repúblika eleitu, Francisco Guterres ‘Lu-Olo’ mós agradese ba esforsu ne'ebé ekipa susesu sira halo durante iha kampaña polítika no eleisaun Prezidensiál nian.

Tanba ne’e, enkoraja nafatin membru partidu FRETILIN no kuadru sira labele laran susar atu hasoru eleisaun lejizlatura nian.

Entretantu, iha okaziaun ne’e Lu-Olo hato’o ninia kompromisu ba partidu FRETILIN katak, hakarak sai Prezidente ida diferente. Serve rai ne’e, atu bele tau aan nu’udar Xefe Estadu ne'ebé hatene ninia knaar hodi bele hakat ba oin. 

Rate this item
(0 votes)

Independente Digital TV