Aniceto Halo Rekursu Ordináriu Hasoru Tribunál Featured

By Martinha Gusmão Janeiru 12, 2018 939
Aniceto Aniceto

DILI: Prezidente Parlamentu Nasionál, Aniceto Longuinhos Guterres, halo rekursu ordináriu hasoru Tribunál Distritál Dili (TDD), tanba la simu desizaun hodi indefere karta destituisaun.

Prezidente Asosiasaun Majistratura Jurídiku Timor-Leste (AMJTL), Antonino Gonçalves, hatete, Presidente PN halo ona rekursu ordináriu, maibé ne’e nia direitu tanba sidadaun hotu-hotu lei fó dalan atu halo rekursu.

Nia dehan, prosesu mai iha Tribunál kuandu simu ka la simu desizaun ne’e bele halo rekursu ,kuandu la simu bele halo rekursu ba Tribunál ne’ebé aas liu.

“Rekursu nia prazu 15 nia laran para notifika fali. Se nia simu rekursu primeiru tribunál instánsia tenke fundamentu ninia prosesu ne’e”, dehan Antonino, iha knaar fatin TDD, horisehik.

Tanba saida mak halo rekursu ne’e Tribunál sei notifika ba fali parte ida seluk hanesan deputadu na'in hira ne’ebé halo asaun kontra nian ne’e fó fali ba sira, depois sira haruka fila-fali mai Tribunál, hafoin Tribunál haruka fali ba Tribunál rekursu.

Nia esplika, rekursu ordináriu ne’e kuandu Tribunál Rekursu la Simu nafatin, bele halo rekursu estra ordináriu, maibé tenke ho faktu foun, labele repete tan faktu ne’ebé halo ona ba rekursu ordináriu nian.

Tribunál simu rekursu husi Prezidente Parlamentu Nasionál ne’e iha loron 8 Janeiru 2018, ne’ebé diretamente ba juis prosesu.

Rekursu ne’e prazu iha loron 15 nia laran mak desizaun foin sai, maibé iha prazu 15 nia laran nia tenke hatama alegasaun no tenke iha fundamentál ne’ebé iha.

Tanba iha loron 15 nia laran ne’e Prezidente PN tenke halo alegasaun fó mai Tribunál, nune’e tenke notifika fali ba deputadu sira ne’ebé halo asaun kontra para depois sira mós iha direitu ba iha loron 15 atu kontra alegasaun.

Maibé, liu prazu loron 15 mak halo alegasaun, entaun tribunál notifika de’it ona, no haruka ba Tribunál Rekursu mak foti desizaun ba rekursu ne’e.  

Rate this item
(0 votes)

Independente Digital TV