DILI: Parlamentu Nasionál sei la muda desizaun ne’ebé foti ona. Ne’e duni, la simu ideia ne’ebé sosiedade sira hato'o atu hapara sosa karreta foun, tanba sei kontinua nafatin sosa karreta foun ba deputadu 65, iha Uma Fukun PN.
DILI: Programa VII Governu nian ne’ebé aprezenta ba Parlamentu Nasionál sei foka liu ba área prioridade infraestrutura báziku sira, ne’ebé esensiál liu ba povu nia moris.
DILI: Formasaun foin hahú. Servisu Governu nian sei hatudu liu husi aprezentasaun programa no Orsamentu Jerál Estadu (OJE) nian. Maibé, partidu opozisaun iha uma Fukun Parlamentu Nasionál (PN) forma ona bloku Koligasaun Opozisaun Parlamentár (KOP) hodi bele sai alternativa ba governasaun foun.
DILI: Asaun boot sei akontese iha tempu badak nia laran. Grupu Movimentu Universitáriu Timor-Leste (MUTL), prepara ona atu halo manifestasaun kontra desizaun Parlamentu Nasionál nian hodi kontinua sosa karreta foun.