“Hanesan feto Ida ha’u orgullu bá ha’u nia feto maluk ne’ebé mak prontu kandidata sira nia-an sai prezidente. Ida ne’e ita orgullu tebes tanbá bainhirafeto forte nasaun forte,” nia hateten iha postu-administrativu Tilomar, Kuarta (09/03).

Nia husu bá joven no populasaun husi postu-administrativu Tilomar tenke hanoin no hili didi’ak bainhira hakat bá iha sentru votasaun, nune’e labele nafatin terus no tenke sai husi terus no ki’ak iha situasaun ida ne’e.

Iha fatin hanesan, Laureano Fernandez  nu’udár Koordenadór Jerál ba Kandidata Prezidente Repúblika Isabel da Costa Ferreira, informa katak, feto Potensiál Ida kandidata-an bá Prezidente Repúblika nune’e hakbesik an bá povu hodi buka solusaun bá problema ne’ebé mak povu no joven sira enfrenta.

Enkuantu feto na’in haat ne’ebé kandidataan ba Prezidente Repúblika mak hanesan, Angela Freitas, Isabel Ferreira, Milena Pires no Armanda Berta dos Santos.