“2017 ita hatene katak kandidatu boot tolu maka sei hasoru malu hanesan maun Xanana ho nia CNRT Lu-Olo ho Mari ho nia FRETILIN no Taur Matan Ruak ho nia PLP,” dehan Horta, foin lalais ne'e. 

Nia dehan, bele garante tanba figura tolu ne’e boot istóriku ho kredibilidade, tanba ne’e bele fó konfiansa ba sira tanba sira figura istóriku hotu tanba ne’e sira sei kontribui paz dame iha rai laran.

Tuir Horta katak, partidu PLP ne’e Taur Matan Ruak nian ne’e la'ós segredu ona tanba nia mós iha direitu.

“Ha'u hatete  dehan PLP ne’e Taur nian tanba ema hotu hatene no ida ne’e mós la'ós segredu ida, no Prezidente mós la nega tanba ne’e nia direitu, tanba uluk mós maun Xanana sei Prezidente CNRT hahú daudaun ona,” dehan nia.

Horta dehan, tanba Taur Matan Ruak hari partidu ne’e mós la'ós ilegál tanba ne’e maka la'ós mós segredu maibé ida legál ne'ebé Taur iha direitu hodi ne'ebé ida ne’e normál.