Material prevensaun hirak ne’e sei oferese ba professor no estudante sira iha eskola ne’ebé presiza.
Enkuantu, material prevensaun mak hanesan, maskara kaixa 17.000, inklui armazen movel 6 no paletas hamutuk 450.
“Material sira ne’e sei apoia ba programa merenda eskolar nian bainhira eskola hahú implementa fali merenda eskolar,”dehan Diretor WFP Dageng Liu iha salaun MEJD Vila-Verde, Dili, (29/07).
Tuir nia, koligasaun merenda eskolar ne’e atu bele mellora labarik sira nia saúde no kondisaun ida ne’ebé saúdavel.
Entretantu, Ministru Edukasaun Juventude no Desportu, Armindo Maia akresenta, apoia ne’e hanesan kontinuasaun husi WFP ba MEJD hodi implementa programa merenda eskolar ba labarik sira iha Timor-leste.
Nune'e, programa merenda eskolar ne’e importante tebes ba atu haforsa labarik sira iha prosesu aprendijazem.
Asistente Editor: Saturnina da Costa
