Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Diretor Jeral Sala Situasaun Sentru Integradu Jestaun Krize (SIJK) simu vasina faze daruak. Foto: Camilio/Independente. Diretor Jeral Sala Situasaun Sentru Integradu Jestaun Krize (SIJK) simu vasina faze daruak. Foto: Camilio/Independente.

Vasina Fase Daruak, Prioridade Ba Ema Idade 60 Liu no Moras Kroniku Featured

DILI:Vasinasaun faze da-ruak ne’e sei prioridade liu ba ema ho idade tina 60 ba leten no ba ema ne’ebé hetan moras kroniku.

Tuir Ministra Saúde (MS), Odete Maria Freitas Belo hatete, vasina AstreZeneca ida ne’e sei aplika ba ema ho idade tinan 60 ba leten no sira ne’ebé moras komplikadu hanesan, moras diabetes, tuberkuluses, fase ran diabetes no moras seluk tan.

Tanba sira iha risku ba kontaminasaun Covid-19, nune’e tenke vasina uluk sira atu hetan imunidade ne’ebé forsa hodi prevene moras oin-oin inklui Covid -19.

“Vasina AstreZeneca faze daruak ne’e oferese husi Governu Australia hodi Vasina ba populasaun sira ne’ebé ho idade tinan 60 ba leten,”dehan nia iha serimonia lansamentu ba Vasinasaun faze da-ruak iha Sentru Saúde Kampung Baru Comoro, Dili, segunda ohin (10/05).

Ho nune’e Ministeriu Saúde husu ba Xefe Suku sira atu koopera ho populasaun hodi haka tba Sentru Saúde ne’ebé besik hodi simu vasina AstraZeneca, tanba vasina ne’e garantidu seguru no bele haforsa ba ema nia isin.

Nia garante katak, bainhira ema hetan vasina bele redus ona numeru ne’ebé atu hetan moras komplikadu no mate ho Covid-19 iha komunidade nia leet.

Iha fatin hanesan Embaixador Australia, Peter Roberts apela ba populasaun tomak liu-liu ema ne’ebé ho idade tinan 60 ba leten atu labele tauk simu vasina tanba sei aumenta ema ida-idak nia imunidade hodi tahan moras komplikadu sira no mós Covid-19.

“Total Vasina AstraZeneca ne’ebé ami nia governu oferese mai Governu Timor-Leste iha semana kotuk hamutuk rihun 20 dozes,”dehan nia.

 Tuir planu Governu Australia sei oferese tan 10.000 dozes iha tempu badak,"dehan Roberts

Molok ne’e ema rihun 28.00 mak simu vasina AstreZeneca faze dahuluk ho dozes rihun 24, ne’ebé oferese husi COVAX liu husi Organizasaun Saúde Mundial (OMS) iha loron 5  fulan-abril  tinan 2021.

 

Jornalista: Camilio de Sousa

Asistente Editor: Saturnina da Costa

Read 849 times Last modified on Segunda, 10 Maiu 2021 17:40
Rate this item
(0 votes)