Urjente, Governu Xina Apoiu Urnas 1000 ba TL Featured

By Ligia Noronha Abril 25, 2018 2157
Urnas Urnas

DILI:Governu Timor-Leste husu apoiu urnas ba Governu Xina, tanba ekipamentu ne’e sei falta.

Bazeia ba preokupasaun STAE nian katak tama ba eleisaun sei falta ekipamentu ne’ebé importante tebes hanesan Urnas no buletim votus hodi ajuda prosesu eleisaun antesipa lao ho susesu.

Ministru Administrasaun Estatal (MAE) Valentim Ximenes hatete, eleisaun iha primeira vez husu ajuda ba governu Xina hodi apoiu mil urnas atu bele kompleta urnas iha sentru votasaun iha teritóriu Timor-Leste.

Apoiu Xina ne’e, Valentim dehan mai ho tempu ida ne’ebé lais liu no governu Xina produz urnas ne’e iha loron lima nia laran de’it.

“Agora ita tenke utiliza urna sira ne’e ho di’ak hodi tau iha sentru votasaun hotu para nune’e fó fatin ba sidadaun Timoroan hodi vota livremente no total urnas ne’ebé governu presiza ne’e mak 890, ha’u sente sufsiente tebes,”dehan Ministru ne’e ba jornalista sira bainhira hala’o enkontru hamutuk ho Primeiru Ministru ho Embixada Xina iha Timor-Leste iha Palasiu Governu Segunda (23/04).

Nia dehan, agora iha tan rezerva urnas no balun at karik bele taka lalais, governu Xina oferese gratuita, maibé too iha Bali governu tenke aluga fali aviaun Sriwijaya ho Nam Air total orsamentu hamutuk rihun $10 dolar Amerika.

Total orsamentu ba eleisaun ida ne’e ba de’it STAE hamutuk tokon $4.7 dolar Amerika ne’e bele dehan masimu no entermus orsamentu la’o di’ak laiha obstaklu osan ne’ebé Ministériu Finansas fó ba iha STAE iha periodu ida normal.

Iha fatin hanesan Diretór Jeral STAE, Acelino Barros hatete, durante ne’e urnas ne’e sai ona preokupasaun haree katak aktu eleitoral 2017 sei iha hela faze ida atu kompleta iha tinan ida ne’e nia laran, tuir lei laiha garantia ida hodi hetan material sira ho numeru sufsiente bele responde ba eleisaun ne’e rasik.

“Maibé ita halo ona kontaktu ho tribunál rekursu no MAE hodi husu autorizasaun bele deskarega urnas hodi utiliza ba iha eleisaun Parlamentar,”tenik nia.

Nia dehan, tanba iha mós ezijensia husi komunidade sira eleitor sira husu atu aumenta tan sentru votasaun atu aumenta mak nia implikasaun sei ba fali lojistika no mateteria ekipamentu sira, inklui mos urnas ne’e rasik.

Tanba ne’e atu garantia partisipasaun masimu iha eleisaun no liu husi dalan ida aumenta sentru entaun tenke aumenta material no ekipamentu.

Nia dehan, meterial urnas oras ne’e dadaun iha Munsipiu sei uza hela maibé nia númeru ladun sufsiente.

Foin lalais aprova buletim votus maibé nia medida boot bele nakonu lalais entaun tenke iha rezerva ne’ebé sufsiente iha kada sentru no estasaun kuandu urnas ne’e nakonu tenke iha kedan nia rezerva.

Rate this item
(0 votes)

Independente Digital TV