Tanba tuir Portavoz Estudante Siensia Sosias UNTL, Zebedeo Monteiro Pinto hatete, ho maneira ne’e atu estudante sira labele abandona sira nia estudu.
“Ami husu atu bainhira iha prosesu aprendijazem, Governu tenki loke dalan atu ne’e estudante sira bele fila fali mai hodi tuir prosesu aprendizajem, no ami rekomenda ba Ministeriu Ensinu Superior Siensia no Kultura tenki reativa fali prosesu aprendijazem,”dehan nia liu husi komunikadu imprensa, iha edifisiu Faspol,UNTL-Lama,(30/3)
Aleinde ne’e estudante sira mós kestiona kona-ba governu la prepara kondisaun ne’ebé diak ba estudante sira iha prosesu aprendijazem ho maneira online, relasiona ho serka sanitaria ka konfinamentu obrigatoriu iha munisipiu Dili.
Nune’e estudante sira husu ba Governu atu kordena ho operador TT, Telemor no Telkomcel hodi apoiu liña gratuita ba estudante sira iha tempu serka sanitária no konfinamentu obrigatoriu.
Molok ne’e estudante ho naran Antonio dos Santos hato’o sira nia prekupasaun durante sira hasoru iha situasaun serka sanitaria difikulta tebes sira hodi la partisipa iha aula via online, tanba telemovel la permite atu asesu ba aula liu husi online no mós rede ka liña internet la dun di'ak.
Jornalista: Saturnina da Costa
Editor: Jose Sarito Amaral
