Enkuantu, ekipamentus mak hanesan, projector unidade 51, nune’e mós material kona ba dispositivu armajenamentu hodi hasa’e konsensia relasiona ho igualidade jeneru no prevensaun violensia.

Aliende, atu ajuda labarik sira hodi bele simu kualidade edukasaun.

Nune’e, sei distribui ba eskola sira iha teritoriu laran tomak hodi fasilita ensinu atividade kurikular.

Iha serimonia intrega, Reprezentante UNICEF iha Timor-Leste, Emmanuelle Collet hatete, ekipamentus ne’ebé apoia ba MEJD hodi asegura foinsa’e sira atu goza ambiente eskola ida ne’ebé livre husi violensia no adkuirindu feramentu empatia, asertividade no naun diskriminasaun.

“Ami ajuda sira atu sai adultu ne’ebé sei respeita sira nia parseiru sira,  sira nia-oan no ema seluk, no mós sira ne’ebé kontribui ba nasaun ida ne’ebé dame,”dehan nia iha salaun MEJD, Vila-Verde, kinta ne’e (12/08).

Entretantu, Ministru Edukasaun Armindo Maia, agradese ba parseiru internasional sira ne’ebé servisu hamutuk ho MEJD, hodi eleva kualidade edukasaun iha nasaun ida ne’e.

Nune’e mós ba esforsu ne’ebé parseiru sira halo hodi kombate violensia hasoru feto, no labarik feto no mós reduz violensia iha eskola.

“Ita hakarak labarik sira hotu senti seguru no kontente iha eskola, nune’e bainhira labarik sira senti seguru kontribuisaun maka'as ba sira nia desenvolvementu, no mós resultadu aprendejazen ne'ebé ho positivu,”dehan Ministru.

Asistente Editor: Saturnina da Costa