TLKT hakarak Promove Tennis Kampu ba Eskola sira Featured

By Ivonia Varela Juñu 12, 2024 845
Federasaun Tenis Timor-Leste (FETTIL), liu husi programa Timor-Leste Kid’s Tennis (TLKT) halo promosaun Tennis Kampu nian ba eskola Ensinu Báziku Central Farol, Dili, (12/06/24). Foto:INDEPENDENTE/Ivonia. Federasaun Tenis Timor-Leste (FETTIL), liu husi programa Timor-Leste Kid’s Tennis (TLKT) halo promosaun Tennis Kampu nian ba eskola Ensinu Báziku Central Farol, Dili, (12/06/24). Foto:INDEPENDENTE/Ivonia.

DILI: Federasaun Tenis Timor-Leste (FETTIL), liu husi programa Timor-Leste Kid’s Tennis (TLKT) halo promosaun Tennis Kampu nian ba eskola Ensinu Báziku sira iha Kapitál Dili no Munisípiu sira.

Treinadór Programa TLKT, Moises Freitas Pereira Mendonça hatete, programa Timor-Leste Kid’s Tennis (TKTL) ne’e mahon iha Federasaun Tenis Timor-Leste (FETTIL) nia okos ne’ebé durante ne’e halo ona promosaun iha eskola barak iha kapitál nune’e mós iha munisípiu.

“Iha eskola Faról ne’e ami atu halo kontinuasaun de’it, tanba antes ne’e ami halo tiha ona, nune’e ami mai atu kontinua halo promosaun di’ak liu tan hodi motiva labarik sira bele koñese no aprende Tennis, karik sira hatene ona bele ba iha kampu ne’ebé loos, hodi prepara sira ba jogadór profisionál” dehan Treinadór ba Jornalista sira iha EBC Faról, Kuarta (12/06).

Treinadór ne’e afirma, programa ne’e hanesan promosaun ida, ne’ebé prefere liu ba Tennis iha kampu nian. No programa ne’e sira halo uluk promosaun iha kapitál Dili, iha eskola ne’ebé TLKT alista ona mak eskola, EBC Farol, EBF Vila-Verdi, EB Canosa Fomentu no EB Nikolao Lobato.
Iha fatin hanesan, Diretóra EBC Farol, Filomena Fátima Belo Freitas, hatete, EBC promosaun ne’e ba dala rua ona, tan ne’e nafatin fó oportunidade ba TLKT tanba hakarak dezenvolve estudante sira kona-bá tennis nian.
“Dezenvolve tennis ida ne’e ami hakarak dezenvolve ami nia oan sira ne’ebé maki ha talent tebes ba ida ne’e sira bele esforsu-an, alem de mai tuir prosesu aprendizajem maibé iha aktividade ekstra ne’ebé sira bele tuir hodi motiva sira atu bele dezenvolve an ona,” dehan Diretóra.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31