Iha abertura, Xefe Negosiasaun, Elizabeth Exposto afirma, Timor-Leste no Indonézia hatudu vontade di’ak kona-bá progresu ne’ebé alkansa ona iha ronda dahuluk iha Dili no daruak iha Jogjakarta, Indonézia.
“Diskusaun ronde rua no dahuluk ne’e estabelese entendimentu diak entre nasaun rua. Tanba ba ronde datoluk iha Singapura, Timor-Leste optimista hodu avansa ba negosiasaun bilateral ne’e ho espiriu amizade no kooperasaun,” Dehan Diretora Ezekutiva Gabinete Fronteiras Terrestres no Marítimas no Xefe Gabinete Primeiru Ministru, Elizabeth Exposto liu husi Komunika ne’ebé online INDEPENDENTE asesu husi Media G-PM, Segunda (27/04).
Nune’e, parte rua hatudu ona sinseridade atu rona, komprende ida-idak nia perspetiva, no servisu hamutuk ba solusaun ida ne'ebé ekuitativu, ba tempu naruk tuir lei internasionál, partikularmente iha kuadru Konvensaun Nasoins Unidas kona-ba Direitu Tasi (koñesidu ho naran UNCLOS). Negosiasaun sira hametin konfiansa no reflete parseria di’ak entre Timor-Leste no Indonézia, ne’ebé bazeia ba objetivu estabilidade rejionál, dezenvolvimentu sustentável, no jestaun tasi ne’ebé responsável.
“Ho ajende estruturadu ne’ebé konkorda ona ba ronde datoluk iha Singapura, Timor-Leste iha konfiansa katak diskusaun sira ne’e durante loron tolu ne’e sei kontinua lori rezultadu ida ne’ebe aseitavel ba nasaun rua,” Nia optimista.
Purtantu, negosiasaun ba datoluk ronda ne’e ne’e sei hala’o durante loron-tolu (27-29 Abríl 2026) iha Singapura.
