Sexta, 25 Juñu 2021 | Login
Brosura oinsa halo prevensaun ba moras Covid-19. Brosura 2020. Brosura oinsa halo prevensaun ba moras Covid-19. Brosura 2020.

Tinan Foun 2021, Pasiente COVID-19 Sa’e ba 15 Featured

DILI:Númeru pasiente COVID-19 sa’e ba 15, hafoin laboratóriu deteta tan pasajeiru na’in rua (2) liu husi rejultadu teste ne’ebé relata iha 2 Janeiru 2021. Pasiente na’in rua ne’e mai ho aviaun AirAsia to’o iha Dili iha loron 22 Dezembru 2020. Iha dezembru 2020, Ministériu Saúde relata ona pasiente moras COVID hamutuk ema na’in 13.

Ho aumentu númeru ne’e, Timor-Leste rejista ona kazu komulativu hamutuk ema na’in 46 sura husi fulan-Marsu 2020.

Koordenador Pilar VII COVID-19, dr. Nilton do Carmo da Silva, SpOT, Mbiomed, haktuir, pasiente foun na’n rua mane hotu, ida ho idade 24, mai husi Portugál iha 20 dezembru 2020 ho TAP Airlines no tránzitu iha Madrid. Iha data hanesan sai husi Madrid ba Doha ho Qatar Airlines no tránzitu iha Doha, iha 21 dezembru viájen husi Doha ba Malázia no toba kalan ida iha ótel sama-sama airport Kuala-Lumpur. Loron 22 dezembru husi Kuala-Lumpur Malázia mai Dili ho AirAsia.

Entretantu ida seluk, idade 34, mai husi Londres UK iha 20 dezembru 2020 ho Qatar Airlines no tránzitu iha Doha. Iha loron 21 dezembru viájen husi Doha ba tránzitu iha Malázia, iha 22 dezembru husi Malázia mai Dili ho AirAsia.

Iha loron 22 dezembru aviaun AirAsia tuun iha Dili ho pasajeiru hamutuk na’in 100. Pasajeiru hirak ne’e na’in 14 hela iha kuarentena ótel Vila Verde, na’in walu (8) iha ótel YQ no na’in 78 seluk hela iha kuarentena Otel Regal Apartment, ótel Time Square, ótel Fortuna, ótel Carla Mension.

Status pasajeiru hirak ne’e hotu kategoria close contact tanba iha ona istória kontaktu ho na’in ida pozetivu detetadu iha Malazia ne’ebé lakonsege mai Timor-Leste.

  1. Nilton haktuir, kazu pozetivu na’in rua ne’e hela iha ótel Vila Verde. Tanba ne’e, sidadaun sira ne’ebé konfina iha ótel Vila Verde hahú ohin estende tan kuarentena loron 14.

“Ikusliu nafatin lori ministériu saúde nia naran nomós ekipa covid-19 hakarak hato’o mensajen ba populasaun hotu katak ita sei iha estadu emerjénsia ita presiza kumpri regra sira ne’ebé ministériu saúde fó sai ona atu prevene moras covid-19. Ita hotu-hotu hatene ona katak saúde iha idak-idak nia liman rasik tanba ne’e diakliu ita prevene antes halo tratamentu,” dr. Nilton subliña iha konferénsia ba imprensa, loron Domingu ohin, iha Sentru Integradu Jestaun Krize (SIJK), iha CCD.

Read 382 times
Rate this item
(0 votes)