“Vasinasaun ida kiik liu mak, iha munisipiu Ermera no tuir mai mak Bobonaro,”dehan nia iha edifisu MSSI, Kaikoli, tersa horseik (03/05).
Nia esplika, tuir dadus husi MS, kobertura vasina Covid-19 iha Timor-Leste, iha Munisipiu Aileu ba doze dahuluk atinji ona 81,1% no doze daruak iha 65,3%, Ainaro doze dahuluk iha 82,2% no doze daruak iha 65,4%, Baukau doze dahuluk iha 85,7% no doze daruak iha 72,7%.
Aleinde, Kovalima ba doze dahuluk iha 95,8% no doze daruak iha 78,0%, Dili ba doze dahuluk iha 86,6% no doze daruak iha 81,5%, Lautem ba vasinasaun doze dahuluk iha 81,1% no doze daruak iha 67,7%.
Ho nune’e, iha Munisipiu Líkisa, taxa vasinasaun doze dahuluk iha 80,6% no doze daruak iha 67,9%, Manatuto ba doze dahuluk iha 86,1% no doze daruak iha 66,7%, Manufahi ba doze dahuluk iha 86,8% no doze daruak iha 71,3%, Vikeke doze dahuluk iha 94,8% no doze daruak iha 83,9% no mós RAEOA, vasinasaun doze dahuluk iha 85,0% no doze daruak iha 73,5%.
Enkuantu, ba Munisipiu rua ne’ebé taxa vasinasaun sei menus, iha Bobonaro, doze dahuluk iha 82,3% no doze daruak iha 59,2% no mós Ermera, ba doze dahuluk iha 72,7% no doze daruak iha 57,2%.
Ho nune’e, MS dehan, bainhira populasaun sira simu ona vasina doze dahuluk, tenke simu tan doze daruak nian, atu nune’e bele kompleta, hodi hasa’e sira nia imunidade.
“Ita iha premeira dozes ita atinje ona 84,6%, i segunda dozes ita nafatin manten 72,2%, tanba ita presiza prejentajen ne’e pelemenus to’o iha 80%, no vasina ita sei iha, Astrazanca iha 200 mill ital dozes no mós Sinovac ita iha 100 mill ital dozes,” nia dehan.
Haree ba taxa vasinasaun iha Munisipiu rua ne’ebé sei menus, MS husu ba lider sira, liña ministerial no mós media atu ajuda Ministeriu Saúde, fahe informasaun ba komunidade, atu nune’e komunidade sira mós bele hakbesik aan ba fasilidade saúde sira ne’ebé besik hodi simu vasina.
