Xefe Estadu vizita ba suku besik 442 observa katak merendah eskolar hamosu problema barak ne’ebé konsidera merenda eskolar hanesan moras ‘kanker’ ne’ebe labele kura hein tesi deit.
“Merenda Escolar ne’e hanesan kanker to’o loron ida hein tesi deit, tanba ne’e lori Governu nia naran husu deskulpa ba imi hotu,” dehan Xefe Estadu ba bainhira halo dialogu komunidade Suku Ilatlaun, Postu Administrativu Bobonaro, Munisipiu Bobonaro, Sesta (10/02).
Razaun ne’e, Taur husu Maun Xanana nusa la hapara tiha merenda eskolar ne’e diak liu fó osan ba katuas no ferik sira ne’ebé iha problema edukasaun ba ninia oan sira.
“Hau husu ba maun Xanana tanbasa lahapara tiha deit, nusa la fo osan ba inan-aman sira ne’e, maun Xanana dehan ne’e problema edukasaun nian,”Dehan nia
Husi vizita ne’ebe PR taur hala’o iha suku 442 iha teritoriu Timor Leste laran tomak tuir dadus hatudu deit eskola lima mak ninia merenda escolar la’o diak.
Orsamentu jerál Estadu kada tinan aloka Miliaun $2 ba merenda eskolar maibé kada tinan ida mosu problema.
“Ita husu ba sira (Governu) dehan diak deit, gampang deit maibé iha kraik la la’o tanba sira la lao tó ba foho sira,”Dehan PR Taur .
