“Ha'u kontente loos, ita hotu fó apoiu ba ita nia Prezidente eleitu. Nia mai serbisu iha ne’e tau matan ba ita hotu”, dehan Taur ba Jornalista sira hafoin remata enkontru ho Lu-Olo iha Pallasu Prezidente Nicolau Lobato Ai tarak Laran-Dili, Tersa (11/04).
Nia dehan prezensa Futuru Prezidente da Repúblika (PR) ‘Lu-Olo’ atu mai koñese ka hatene uma ne'ebé sei hela durante tinan lima.
“Prezidente eleitu ohin mai vizita atu koñese uma ne'ebé sei hela,” hatete Taur.
Observasaun Jornalista Diáriu INDEPENDENTE nota katak durante diskute Taur ho Lu-Olo ne’e kuaze 30 minutu.
Lu-Olo akompaña husi membru FRETILIN José Teixeira.
