Kona-ba subsidiu ne’e hetan ona aprovasaun iha Konsellu Ministru, maibé seidauk realiza tanba hein prosedimentu sira atu implementa tanba nia konsikuensia ne’e todan.

Subsidiu ba estudantes bolseirus no naun bolseiru, no ba fali sira seluk hetan ona aprovasaun husi Konsellu Ministru ne'ebé hato'o husi ministeriu sira, Konsellu Ministru asina tiha ona komforme ho lei Nu.2/2020.

“Ami aprova hotu ona husi konsellu jestaun, prosedimentu loos hotu ona no haruka liu husi konta bankaria simu hotu ona, maibé tenke haree fali tanba balun mai tiha ona Timor mós naran tama nafatin ne'ebé tenke kuidadu, ne'e konsekuensia ne'ebé todan sepur kazu implementasaun laloos,” dehan nia, iha salaun Ministeriu Finansas, Aitarak laran, hoirsehik.

Babo hateten, estudante sira ne'ebé atu hetan subsidiu husi governu bazeia ba lista iha primeira fase ne'ebé rejistadu  hamutuk ema na’in 2.000, naran ne'ebé tama tan ne'e hela ba segundu fase.

Montante subsidiu ba estudante sira ne’e la hanesan, ne’e depende ba kustu da vida ba kada nasaun, ezemplu iha Europa labele hanesan ho  Azia, depois iha Azia, Indonesia, Filipina ho Australia ne'e nia kustu vida lahanesan, maibé lista sira ne'e Konsellu Ministru aprova hotu ona, hein de’it ona atu haruka subsidiu ba sira.