Semana ida uma kain 166 afeita ba dezastre naturais Featured

By Ivonia Varela Fevereiru 13, 2024 927
Komando Autoridade Protesaun Sivil (APC) RAEOA, Liu husi Diresaun Nasional Jestaun Risku Desastre (DNGRD), Lidera husi Adjunto Komandante APC Fidelio R.N da Cunha hamutuk ho ekipa Apoio emerjensia ba Vitima ne’ebe hetan Desastre inpaktu husi anin bo,ot hamutuk uma kain (2) ida iha Aldeia  Bonemese, Suco Naimeco no Aldeia Tulaika, Posto Administrativo Pante-Makassar, Oe-cusse Ambenu. Foto:Media APC. Komando Autoridade Protesaun Sivil (APC) RAEOA, Liu husi Diresaun Nasional Jestaun Risku Desastre (DNGRD), Lidera husi Adjunto Komandante APC Fidelio R.N da Cunha hamutuk ho ekipa Apoio emerjensia ba Vitima ne’ebe hetan Desastre inpaktu husi anin bo,ot hamutuk uma kain (2) ida iha Aldeia Bonemese, Suco Naimeco no Aldeia Tulaika, Posto Administrativo Pante-Makassar, Oe-cusse Ambenu. Foto:Media APC.

DILI: Hahú husi loron neen to’o loron 12 fulan-Fevereiru rejistu komunidade nia uma ne’ebé hetan estragus husi dezastre naturais hamutuk 166 husi munisípiu sanulu resin ida (11).

Tuir Xefe Gabinete Relasaun Externa no Komunikasaun, Cesário Marques hatete, Autoridade Protesaun Sivil (APC) ne’ebé tutela ba Sekretáriu Estadu Protesaun Sivil (SEPS) rejistu komunidade nia uma ne’ebé hetan estragus husi dezastre naturais hamutuk 166.
“Komunidade nia uma ne’e husi munisipiu Aileu kauza husi rai halai familia ida mak hetan afeitada, Ainaro anin sobu uma hamutuk 119, ahin han uma rua no inundasaun ida, Baukau anin sobu uma ida no ema ida lakon vida, munisipiu Bobonaro anin sobu uma neen no rai halai afeita ba uma tolu, Ermera anin sobu uma 31 no anin sobu uma hitu, Lautem anin sobu uma rua, Likisa anin sobu uma neen rai halai estragus ida, manufahi anin-sobu uma tolu, RAEOA anin sobu uma hitu, Vikeke anin sobu 13 no rai halai estragus uma ida no munispiu Manatuto ahi-han uma ida,” dehan Xefe Gabinete iha Salaun Konferensia Kaikoli, Segunda (12/02).
Xefe afirma, vítima husi dezastre hirak ne’e, komando sira ne’ebé destaka iha Munispiu hamutuk parseiru sira halo fornese ona asistensia emerjensia ba sira, ne’ebé dadaun ne’e konsente katak lakon sira sasan.
Enkuantu, hahú husi fulan-Janeiru to’o Fevereiru APS rejistu oma komunidade nia uma ne’ebé hetan estragus husi dezastre Naturais husi tipo oioin hamutuk 835. Maibé, autoriedade protesaun sivil foin fó apoiu emerjensia ba vitima uma kain hamutuk 735 no hela 100 mak seidauk.

Rate this item
(0 votes)

Independente Digital TV