Enkuantu, sorumutu ne’e ho objetivu atu halakon dezigualidade no diskriminasaun iha sosiedade.

Tuir SEII, Maria José da Fonseca de Jesus Monteiro, hatete, sorumutu ida ne’e hanesan rejional ida, bazeia ba rezolusaun Governu nian nu.35/2017 kona-ba mekanismu estabelesimentu Grupo traballo Jeneru nasional no munisipál.

“Ita iha Grupo traballo Jeneruo rua ne'e, mai hodi fahe ba malu no atualiza servisu ne'ebe Grupo Traballo ida-idak halo iha nivel nasional no munisipiu, hodi halo esforsu sira ba promosaun igualdade no jeneru no iha ida-idak nia area kobertura oin-oin no portal nian, asuntu ne’ebé kritiku liu mak halakon dezigualidade no diskriminasaun ba komponente oioin iha ita nia sosiedade, hanesan labarik feto no mane, ema ho defisiensia no mós sosiedade,”dehan nia iha salaun Delta Nova, tersa ne'e (16/11).

Nia hatutan, iha tinan 2019 SEII konsege rejista Grupo Traballo Jeneru hamutuk 86 no iha tinan 2021 rejista hamutuk 200.

Entretantu, Administradór Munisipiu Likisa, Pedro Paulo Gomes, hatete, Grupu Traballu Jeneru ne’e tenke koopera ho servisu nasional no mós munisipiu, liu-liu ho vokal poit SEII nian ne’ebé iha munisipiu.

Nune’e, Administrador nafatin iha kooperasaun no servisu hamutuk hodi reintende kona ba jeneru.

“Ohin ita simu konvite mai to’o iha nee atu enkontru no halo koordenasaun servisu, liga ba servisu Sekretaria Estadu ba Igualdade Inkluzaun, ne’e mak ohin hodi mai partisipa iha ne’e,” haktuir Pedro.

Entretantu partisipantes sira ba sorumutu ne'e mai husi Grupo Traballo Jeneru husi nasional no Munisipiu no mós husi komunidade LGBTQI no representante liña ministerial no mós komponente feto sira husi nivel aldeia to'o nasional.

Asistente Editor: Saturnina da Costa