SEATOU hamoos tan Baraka 78 iha Bekora Featured

By Ivonia Varela Maiu 22, 2024 212
Sekretária Estadu Asuntu Toponímia Organizasaun no Urbana (SEATOU) sobu tan komunidade nia baraka hamutuk 78 iha eis merkadu Bekora. (22/05/24). Foto:INDEPENDENTE. Sekretária Estadu Asuntu Toponímia Organizasaun no Urbana (SEATOU) sobu tan komunidade nia baraka hamutuk 78 iha eis merkadu Bekora. (22/05/24). Foto:INDEPENDENTE.

DILI: Sekretária Estadu Asuntu Toponímia Organizasaun no Urbana (SEATOU) sobu tan komunidade nia baraka hamutuk 78 iha eis merkadu Bekora.

Sekretáriu Estadu, Germano Santa Brites Dias hatete, sei kontinua sobu baraka hirak ne’e ho razaun atu hamamuk espasu públiku hodi nune’e movimentu kareta nia bele livre.

“Ohin ne'e aktividade hamoos mai tan iha merkadu Becora atu haree komunidade sira ne'ebé okupa espasu públiku iha oin ne'ebá ne'e sei sobu hotu atu organiza didiak para oin ne'e husi estrada bo'ot tama to'o iha ne’e,” dehan SEATOU ba Jornalista sira iha Eis Merkadu Bekora, Kuarta (22/05).

Hafoin hamamuk fatin refere, nia dehan, ekipa husi Ministeriu Obrasa Públika (MOP) kontinua tula rai-henek hodi ateru fatin ne’ebé komunidade sira atu hala’o fali sira negosiu ba.

“Mai iha laran ne’e ita aproveita Obras Públika tula rai henek iha mota laran hodi ateru fatin ne’ebé iha hodi nune’e ba futuru hadi’a merkadu lalika susar tan ba rai-henek, tan ne’e ohin ne’e fakar rai henek hodi halo tetuk atu nune’e sira ne’ebé faan iha liur bele faan fali iha laran,” dehan Governante ne’e.

Iha biban ne’e, SEATOU mós organiza kareta boot husi Ministeriu Administrasau Estatal (MAE) nian hodi rekolla kareta aat ne’ebé para iha fatin refere hodi ba so’e iha fatin lixu t'Tibar.

Enkuantu, tuir observasaun jornalista televizaun indepedente nia iha terrenu nota katak, negosiante 78 ne’ebé fa’an sasan iha Eis Merkanu Bekora kopera SEATOU hodi sobu sira-nia fatin.

Rate this item
(0 votes)
Last modified on Kinta, 23 Maiu 2024 11:07

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30