Ró Berlim Ramelau Bele Tula ona Pasajeiru Featured

By Januário Assunção Dezembru 27, 2023 1033
Inaugurasaun Ro Berlin Ramelau. Foto:Dok/INDEPENDENTE. Inaugurasaun Ro Berlin Ramelau. Foto:Dok/INDEPENDENTE.

DILI: Ró Berlim Ramelau bele hala’o ona operasaun hodi tula pasajeiru  Oecusse oan sira hodi ba selebra tinan foun ho familia, hafoin remata manutensaun iha Surabaya-Indonezia.

Prezidente APORTIL, Feliciano da Costa Coreira hatete, Ró Berlim Ramelaun to'o iha Portu Dili, 25 Dezembru 2023, hafoin halo manutensaun.

"Ró horseik (segunda) to'o ona Portu Dili, ne’e duni agora halo hela inspesaun husi autoridade portuariu, Imigrasi, Karantina ho DNTM, depois remata bele tula ona pasajeiru,"dehan Feliciano da Costa Coreira ba Jornalista INDEPENENTE liu husi via Whatsapp (26/12).

Nia informa, durasaun manutensaun ró Berlim Ramelau kuaze tinan ida no agora  bele tula ona pasajeiru sira hanesan baibain, maibé atu lori fali halo manutensaun ne'e depende superviziona husi Diresaun Nasionál Transporte Maritima (DNTM).

Ró ne’e halo manutensaun ho orsamentu ne'ebe Aportil preve hamutuk rihun $400.

Rate this item
(0 votes)

Independente Digital TV