Rezultadu Investigasaun Finál, PDHJ Identifika Kazu 79 Maioria Husi PNTL Featured

By Estajiaria Zélia da Costa Fevereiru 06, 2024 954
Hafoin remata lansamentu ba relatoriu PDHJ tinan 2023, Provedór Direitus Humanus ba Justisa (PDHJ), Virigilio Guterres “Lamukan” foto hamutuk ho Vise Ministra Solidariedade Sosial no Inkluzaun, Reprezentante Komandante Jeral PNTL, Superintendente Xefe José  Soares, no mós parte relevante sira, iha Salaun PDHJ, Kaikoli, Dili, tersa (06/02/24). Foto: INDEPENDENTE. Hafoin remata lansamentu ba relatoriu PDHJ tinan 2023, Provedór Direitus Humanus ba Justisa (PDHJ), Virigilio Guterres “Lamukan” foto hamutuk ho Vise Ministra Solidariedade Sosial no Inkluzaun, Reprezentante Komandante Jeral PNTL, Superintendente Xefe José Soares, no mós parte relevante sira, iha Salaun PDHJ, Kaikoli, Dili, tersa (06/02/24). Foto: INDEPENDENTE.

DILI:Tuir Relatóriu Investigasaun Finál tinan 2023 husi Provedoria Direiru Humanus ba Justisa identifika, rezultadu kazu hamutuk 79 ne’ebé maioria mai husi Polisia Nasionál Timor-Leste.

Tuir Provedór Direitus Humanus ba Justisa (PDHJ), Virigilio Guterres “Lamukan” hatete, rezultadu investigasaun no monitorizasaun ba kazu iha tinan 2023 hamutuk 79 ne’ebé maioria mai husi Polisia Nasionál Timor-Leste (PNTL).
“Husi kazu ne’ebé ke ami halo 79 iha direitu umanu no boa governasaun, depois relatóriu badak ne’ebé ke arkiva, ohin ami entrega iha numeru ne’ebé ke barak ba iha ita-nia PNTL sira, tanba PNTL kazu barak, hanesan ohin hau temi, kazu Vikeke, Lauten, Gariwai,iha Maliana kazu agresaun dfízika sira ne’e abuzu de poder ne’ebé envolve membru iha Dili mós ida ne’e mak tama iha relatóriu inevstigasaun nianba PNTL ho rekomendasaun mós iha laran” dehan nia ba jornalista sira iha salaun PDHJ Caicoli, segunda (06/02).
Nia esplika, relatóriu investigasaun finál maibé iha kazu krime ne’e PDHJ hato’o ona rezultadu iha tinan kotuk halo notifikasaun ba Ministériu Públiku hodi halo follow up, agora rezultadu invetigasaun ne’e hato’o ba PNTL atu tau konsiderasaun.
“kazu iha Maliana agresaun fízika iha fula-Janeiru ami haruka ba, no kazu balun iha Vikeke iha notísia de krime ba Ministériu Públiku” afirma nia.
Aliende ne’e, PDHJ mós identifika katak, ministériu sira mós iha kazu ne’ebé sira identifika mak barak liu ne’ebé envolve husi elementu ka funsionáriu kona-ba abuzu podér no mós mall administrasaun tanba ne’e mak sira sujere no rekomenda katak, oinsa atu bele hadi’a di’ak iha futuru mai.
Nia subliña, kona-ba mal administrasaun mak utilizasaun ba patrimóniu nian tanba iha eleisaun nian ne’e hatudu katak kazu sira ne’e mak iha laran, tanba Ministériu sira ne’ebé ohin simu relatóriu sira iha laran hotu.
“kazu 70 ne’e iha nia laran 10 mak iha boa governasaun ho violasaun direitus umanus nian ne’e ohin ami haree relatóriu sira ne’e ami hato’o tiha on aba Ministériu sira ne’e iha rekomendasaun sira” nia hakotu.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30