Revizaun ba Lei Kontra Violénsia Doméstika Iha Hela Prosesu Featured

By Ivonia Varela Setembru 28, 2023 525
Sekretáriu Estadu no Igualdade Elvina Sousa Carvalho  Foto:Dok/INDEPENDENTE. Sekretáriu Estadu no Igualdade Elvina Sousa Carvalho Foto:Dok/INDEPENDENTE.

DILI: Lei Kontra Violensia Doméstika (LKVD) Nu.7/2010 dadaun ne'e iha hela prosesu revizaun no tempu badak sei lori ba Parlamentu Nasionál hodi halo revizaun.

Sekretáriu Estadu no Igualdade Elvina Sousa Carvalho hatete, Lei Kontra Violénsia Doméstika (LKVD) sai Prioridade mós ba IX Governu Konstituisionál tan ne'e SEI halo hela revizaun no hein katak tempu badak bele lori ba Parlamentu Nasionál (PN).

SEI dehan, rekomendasaun ba revizaun Lei Nu.7/2010 ne'e mai husi setór justisa no sosiedade sira tanba lei refere la forte no la kobre mós ba insestu nian.

"Fiar katak tempu badak bele lori ba Parlamentu hodi bele halo revizaun ba lei ne'e, tanba desde Lei ne'e eziste, presiza duni halo revizaun tanba rekomendasaun mai husi Setór Justisa no sosiedade sira, tanba dala ruma dehan lei ne'e la dun forte no lakobre mós ba insestu nian, no ba asuntu sira seluk," dehan nia iha Palasiu Governu, (27/09/23).

Governante ne’e hatutan, konsultasaun ba revizaun la'o ona, grupu traballo ne'ebé halo servisu ba konsultasaun mós iha hotu ona no esbosu lei mós iha hotu ona tan ne'e hein de'it avansa.

Sekretária Estadu afirma, SEI mós esforsu hela atu implementa planu asaun Nasionál violensia bazeia ba jéneru, halo divulgasaun informasaun ba tipu violénsia bazeia ba jéneru no violénsia sira seluk.

Nune'e, Governante akresenta, SEI hamutuk ho Sosiedade Sivil no parseiru dezenvolvimentu sira esforsu hela halo sosializasaun ho intensaun atu hasa'e ema hotu nia koñesimentu atu respeita ema nia direitu atu nune'e bele kria sosiedade ida ne'ebé Igual no justu.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30