Ekipa Médiku Primeiru Sokorru RAEOA, Heiberto José Alves haktuir, iha fatin ida ne'e lor-loron Médiku sira fahe ekipa atende primeiru sokorru ba sarani sira moras, tanba infeksaun sistema respiratóriu.
Nia dehan, horseik ekipa médiku halo atendimentu pasiénte sira husi RAEOA hamutuk 135 no menús liu mak na’in-38, tanbá horseik sarani sira viajen ikus ho Ró kuaze 400 resin ho kondisaun Laloran tasi ne’ebé maka’as hodi provoka sira moras.
“Nune’e sira tun husi ró bulelu hotu mak akontese moras ISPA, maibé agora pasiénte sira agora sitasaun moras normal ona ne'ebé agora sira ladun mai halo tratamentu ona,” Dehan Nia ba Jornalista INDEPENDENTE iha fatin Rai metan tasi tolu, Domingo (08/09).
Nia esplika, moras ISPA ne'e provaka husi rai rahun, rai manas ho ambiente, bainhira sira moras, entaun fo aimoruk amoxilin, Paracetamol no aimoruk sira seluk tan inklui maskara.
Kona-ba ai-moruk nia relata, dadaun sufisiente hela hodi fó pasiente sira no ekipa sira husi nasional mai halo monitorizasaun iha fatin ne’e laiha problema.
