Programa tama-sai suku ne’e hala’o durante loron tolu, hahú segunda ohin too kuarta fulan ida ne’e (Marsu).
Hafoin seremonia abertura avizu no alerta ba atividade ne’e, reprejentante Plan Internasional ba Timor-Leste, Laura Pina, hateten, kooperasun servisu entre Ministériu Interior, Sekretariu Estadu Protesaun Sivil liuhusi Diresaun Nasional ba Prevensaun Konflitu Komunitaria, PNTL hakarak apela ba komunidade atu prevene konflitu hodi kontribui ba paz, hakmatek no armonia durante periodu kampaña eleisaun presidensial.
"Liu husi Diresaun Nasional ba prevensaun konflitus komunitaria, atu bele fó apoiu tomak hodi ita bele prevene potensial konflitu ne'ebé akontese iha ita nia komunidade, no alerta sedu ne'ebé hala’o husi (DNPKK) ami deseija katak no ita nia atividade ida ne’e bele la'o susesu, bele fó impaktu positivu ba ita nia servisu durante loron tuir mai,” dehan nia iha salaun Migrasaun, Miniteriu Interior, Segunda feira (7/3).
Alerta mós ba inan-Aman sira atu fó atensaun ba oan sira, labele halo provokasaun no violensia hasoru movimentu partidu politiku sira ne’ebé hala’o kampaña.
Joven sira mantein kalma, koopera ho autoridade no lider lokal sira atu prevene konflitu no hamate ezistensia ba posibilidade konflitu hodi labele fó impaktu ba ema ho vulnerabilidade hanesan ema ho defisiensia, idosu, feto liu-liu labarik feto sira atu hala'o sira nia atividade lorloron.
Komunidade sira nia papel importante iha prevensaun konflitu no resolusaun inklui foti desizaun iha tempu antes eleisaun, durante no depois eeisaun presidensial, feto no labarik sente seguru no livre husi forma violensia sira iha tempu antes, durante no depois eleisaun.
Nia informa, labele halo diskriminasaun ho asaun violensia no psikolojia hasoru apoiantes ka apartidu politiku husi kandidatu presidente sira hotu.
Asaun tama-sai suku iha kapital Dili, atu alerta sedu relasiona ho dever siviku no demokrasia iha ambitu eleisaun presidensil ba periodo 2022-2027 ne'ebé sei hala’o iha loron 19 fulan-Marsu 2022.
"Polisia Nasional Timor-Leste (PNTL), Segundu Komandante, Joao Sancho Pires, hateten prevensaun ba Eleisaun kampaña hahu tiha ona ami husu nafatin autoridade lokal sira no partidu politika sira, nune bele kopera polisia ita bele halo seguransa lao di’ak hela no ita apoiu malu ba nunee bele kampaña eleisaun presidensial iha Dili la’o normal”.
