Segunda, 27 Setembru 2021 | Login
Prezidente Repúblika Francisco Guterres Lú-Olo. Prezidente Repúblika Francisco Guterres Lú-Olo.

PR Lú Olo Reafirma Kontinua Dialogu ho ParPol Garante Demokrasia, Governabilidade, Páz no Estabilidade Featured

DILI: Presidente Repúblika Fransisco Guterres Lú Olo reafirma hakarak kontinua hala’o dialogu ho partidu politiku sira ne’ebé hetan asentu iha Parlamentu Nasionál hodi  garante demokrasia, governabilidade, páz no estabilidade.

Tanba ne’e, tuir Xefe Estadu ne’e katak atu garante valór no prinsípiu sira ne’e, órgaun soberanu sira no ema hotu tenke respeita Konstituisaun no lei sira ne’ebé vigora.

Ho ida ne’e, deputadu sira labele hamosu, depropózitu, situasaun ida ne’ebé bele sai fali obstákulu ba normal funsionamentu Parlamentu Nasionál nian.

Deputadu sira mós labele hamosu situasaun ho objetivu atu provoka krize institusionál atu dudu hodi biit PR atu disolve Parlamentu Nasional no konvoka Eleisaun Antesipada.

“Nu´udar Prezidente Repúblika, ha´u hakarak fó-sai dala ida tan katak ha’ u sei hala’ o nafatin diálogu ho partidu polítiku sira ho asentu parlamentar hodi garante demokrasia, governabilidade, páz no estabilidade iha ita-nia rain, iha momentu ne’ebé de’it. Atu garante valór no prinsípiu sira ne’e,  órgaun soberanu sira no ita hotu tenke respeita Konstituisaun no lei sira ne’ebé vigora,”dehan PR Lú-Olo hafoin hatoo mensajen nasional ba loron Restaurasaun Independénsia ba dala-18, iha Palasiu Presidensial Bairu-Pite Dili (20/05).

Partidu polítiku sira ne’ebé ho asentu parlamentar tenke favorese no fasilita deputadu sira nia kna’ar.

Alende krize institusional ne’e hetan solusaun bainhira partidu sira kontribui ho laran luak no moos ba funsionamentu Parlamentu Nasional nian tuir prinsípiu no regra demokrátika sira ne’ebé desizaun bazeia ba maioria no mós sira nia reprezentatividade no proporsionalidade.

“Ita labele tolera uzu violénsia, verbal ka fiziku, husi deputadu balun iha Parlamentu Nasional,”dehan PR Lú-Olo.

 

Read 3180 times
Rate this item
(0 votes)