PR Horta vizita Kafé Atsabe ne’ebé iha ona Sinal Mean ba Eviksaun Featured

By Cristina Ximenes Maiu 07, 2024 297
Prezidente Repúblika, José Ramos Horta, halo vizita urijente ba kafé Atsabe ne’ebé hetan ona sinal mean ba eviksaun husi Sekretariu Estadu Asuntu Toponomia no Organizasaun Urbana, ne’ebé sai nu’udar mensajen ida husi Xefe Estadu ba governu. Foto:Pajina PR. Prezidente Repúblika, José Ramos Horta, halo vizita urijente ba kafé Atsabe ne’ebé hetan ona sinal mean ba eviksaun husi Sekretariu Estadu Asuntu Toponomia no Organizasaun Urbana, ne’ebé sai nu’udar mensajen ida husi Xefe Estadu ba governu. Foto:Pajina PR.

DILI: Prezidente Repúblika, José Ramos Horta, halo vizita urijente ba kafé Atsabe ne’ebé hetan ona sinal mean ba eviksaun husi Sekretariu Estadu Asuntu Toponomia no Organizasaun Urbana, ne’ebé sai nu’udar mensajen ida husi Xefe Estadu ba governu.

Tuir observasaun husi Jornalista INDEPENDENTE iha pajina ofisial Facebook PR Horta, Xefe Estadu ne’e públika foto hamutuk ho na’in ba kafé Atsabe.

Ho foto ne’e, PR Horta mós hakerek lia-fuan balun ne’ebé hatudu ninia apresiasaun ba esforsu husi Timor-oan hodi harii negosiu.

“Timor-oan ho vizaun, matenek, kaer negósiu lori Kafé Timor ba merkadu internationál, la liu husi broker. Timor-oan ne'e uluk servisu iha Austrália, halibur osan uitoan loke business iha Timor-Leste no la husu esmola ba governu, halo buat hotu ho nia kakutak no orgullu.”

PR Horta mós hakerek tan: “Mariano da Costa Alves, naran bolu (Ameta), kaben naran Flavia de Jesus,   Avo Feto Naran ‘Buiale’,  Oan-mane kosok Arison de Jesus Alves.”

Aleinde halo vizita ba kafé Atsabe, PR Horta mós planeia atu ba vizita kafé Atsabe ne’ebé tuir informasaun hetan mós notifikasaun atu sai husi rai ne’ebé sira okupa.

Entretantu, jornalista Jornál INDEPENDENTE halo konfirmasaun ho na'in ba Kafé Atasabe, Mariano da Costa Alves, maibé nia dehan nia foin bele fó kometariu ohin, Tersa (07/05).

Rate this item
(0 votes)
Last modified on Tersa, 07 Maiu 2024 18:32

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30