Prezidente Parlamentu Nasionál, Arão de Jesus Amaral informa katak, segunda horisehik (6/4) nia parte simu ona pedidu promulgasaun dekretu governu ne’ebé haruka ba Prezidente Repúblika.
“Ohin dader (tersa) haruka ona ba grafika nasionál públika ona iha Jornal da Repúblika ho lei nú. 2/2020 autorizasaun ba halo levantamentu fundu petrolíferu montante millaun $250,”dehan nia, iha Parlamentu Nasionál, (07/04).
Husi millaun $250 bele finansia atividades rua, fundus ida ba kombate viruscorona (covid-19) millaun $150 no millaun $100 ba reforsa kofre estadu hodi finansia rezime duádesimál nian to’o aprovasaun orsamentu Jeral estadu (OJE) 2020 nian,”dehan nia.
