PM Xanana hato'o Sentidu Kondolénsia ba Família Saudozu Amândio de Sa Benevides Featured

By Ekipa INDEPENDENTE Janeiru 20, 2024 1432
Primeiru-Ministru (PM), Kay Rala Xanana Gusmão vizita saudozu Amândio de Sa Benevides nia isin mate neebe hatoba hela iha sala mortuariu HNGV nian, no mos hato'o sentidu kondolénsia profundu ba família saudozu. Foto:Media GPM. Primeiru-Ministru (PM), Kay Rala Xanana Gusmão vizita saudozu Amândio de Sa Benevides nia isin mate neebe hatoba hela iha sala mortuariu HNGV nian, no mos hato'o sentidu kondolénsia profundu ba família saudozu. Foto:Media GPM.

DILI: Primeiru-Ministru (PM), Kay Rala Xanana Gusmão hato'o sentidu kondolénsia profundu ba família saudozu Amândio de Sa Benevides no sente triste tanba lakon ema pontensiál ida ne’ebé assume kargu importante nu’udár Ministru Justisa iha IX Governu Konstitisionál, ne’ebé husik ona mundu, iha Sábadu 20 Janeiru 2024.

Xefe Governu sente lakon tanba maktoban halo duni servisu todan boot ida hamutuk ho ekipa tékniku sira hodi konsege rezolve problema kaderneta pasaporte Timor-Leste nian iha fulan hirak nia laran, la’ós servisu fásil.

“Triste tebes tanba ha’u asiste, bainhira tun hosi aviaun ha’u sei konversa hela ho sira hotu, ha’u ko’alia mós ho Ministru Amândio. Ha’u husu sira hotu nia kondisaun. Ami na’in-rua sei hamnasa hela, kaer liman, ami la’o hamutuk tama sala VIP, derrepenti hetan atakasaun. Ami hotu preokupadu,” Xanana Gusmão espressa sentimentu triste bainhira akompaña direta matebian iha Hospitál Nasionál Guido Valadares (HNGV).

Profunda espresaun sentimentu triste ne’e nu’udár Primeiru Ministru ho nia kuadru importante ida iha postura Governu ne’e, hanesan mós despedida ikus nian.

Molok Ministru Justisa husik-iis, iha dadeer maktoban hamutuk ho membru Governu sira seluk hein iha Aeroportu Internasionál Prezidente Nicolau Lobato, hodi simu Xefe Governu ne’ebé foin fila hosi Davos, Suiça.

Bainhira Xefe Governu tun hosi aviaun, Ministru Amândio hamutuk ho membru Governu sira akompaña direta bá iha sala VIP.

Iha konversa, teki-teki Ministru Amândio sente la konfortável tanba oin nakukun no kosar makás to’o monu.

Membru Governu no seguransa sira konsege fó asisténsia hodi hatuur-hikas no hatoba iha sofa leten, nune’e Xefe Governu orienta Vise-Ministru bá Operasionálizaun Ospitál, Dr. Flavio Brandão Mendes de Araújo kontaktu ambulánsia no konsege transporta kedan bá HNGV hodi hetan asisténsia médika.

Iha oras hanesan, Primeiru-Ministru despede Prezidente Repúblika, José Ramos-Horta ne’ebé hala’o viazen Estadu bá Vaticano-Roma no kontinua tuir kedan Ministru Amândio bá HNGV maibé médiku sira la konsege salva.

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30