PM Xanana Gusmão Simu Vizita Liurai Brunei Darussalam Iha Palasiu Governu Featured

By Ivonia Varela Maiu 21, 2024 192
Primeiru Ministru (PM), Kay Rala Xanana Gusmão simu vizita hosi Liurai Brunei Darussalam, iha Palasiu Governu, (20/05/24). Foto:Media GPM. Primeiru Ministru (PM), Kay Rala Xanana Gusmão simu vizita hosi Liurai Brunei Darussalam, iha Palasiu Governu, (20/05/24). Foto:Media GPM.

DILI: Primeiru Ministru (PM), Kay Rala Xanana Gusmão simu vizita hosi Liurai Brunei Darussalam, Sua Majestade Sultan Haji Hassanal Bolkiah Mu’izzaddin Waddaulah, hafoin partisipa serimónia komemorasaun loron restaurasaun independénsia Timor-Leste nian bá dala 22 iha palasiu Prezidensiál Aitarak-Laran.

Tuir komunikandu ne’ebé Online INDEPEDENTE asesu katak, vizita ne’e tanba Liurai Bolkiah simu konvite hosi Kay Rala Xanana Gusmão bainhira partisipa iha ASEAN Summit bá dala-43 iha Jakarta, iha Setembru 2023 no konsidera vizita ida-ne’e sai hanesan motivasaun bá Timor Leste iha prosesu preparasaun atu adere bá organizasaun Sudeste Aziátiku ASEAN.

“Ita mós oras-ne’e daudaun prepara-an hela atu adere bá ASEAN. Klaru katak, ho vizita Sua Majestade nian ne’e sei sai hanesan fatór ida atu bele motiva ami,” Kay Rala Xanana Gusmão Liu husi Komunikandu ne’ebé Online INDEPEDENTE sita.

Tuir Komunikandu, Primeiru-Ministru informa katak, Timor-Leste ho Brunei Darussalam iha ona área hirak mak prepara hela atu estabelese kooperasaun, hanesan iha área edukasaun no área saúde nian tanba iha ne’ebá sira-nia tratamentu saúde di’ak tebtebes no mós área mina no gás.

“Ha’u hala’o vizita dala rua no sira laiha buat ida. Maibé, iha tinan rua nia laran ha’u bá vizita dala ida tán, wao iha ona infraestrutura mina no gas ne’ebé fantástiku tebes. Hosi ne’e komesa haruka ita-nia ema atu bá aprende hosi sira kona-bá ne’e no ida-ne’e mós hanesan área ida ne’ebé ita bele estabelese kooperasaun atu bele servisu hamutuk, no seluk tán,” Xefe Governu afirma.

Rate this item
(0 votes)
Last modified on Tersa, 21 Maiu 2024 14:34

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30