Sexta, 24 Setembru 2021 | Login
PM Taur PM Taur

PM Taur: Sé Maka Iha Hanoin At, Timor sei La Fó Fatin Featured

DILI:Primeiru Ministru Taur Matan Ruak husu ba ema sira ne’ebé ho intensaun hakarak sobu nasaun, sei laiha fatin ba nia no sei problema ho povu.

“Laiha ema ida ho intensaun atu sobu ita rain, maibé sira ne’ebé hanoin ida ne’e, sira sei problema ho ita iha timor no povu timor, tanba ita lakohi, tanba ita hakarak ita nia rain ne’e tenke ba oin,”Xefe Governu ne’e hateten, hafoin hala’o enkotru semenal ho Presidente Republika Francisco Guteres Lu’olo, iha Palasiu Presidensiál, Aitarak Laran, Dili (18/05),

Tanba ne’e, Xege Governu husu ba povu atu hakmatek no labele monu ba tensaun politika iha Parlamentu Nasionál.

Tuir nia katak, bainhira iha problema kiik sempre iha solusaun no timor tenki ba oin.

“Tensaun politika ha’u nia apelu de’it ha’u nia liafun ida famozu hanesan presidente ba iha suku ko’alia boot sira hemu tuak kiik sira labele lanu,”dehan PM Taur.

Nia esplika, lider sira ko’alia politika hodi buka solusaun, tanba ne’e ba povu sira tenki tuur hakmatek hodi hala’o servisu babain.

Lider Governante ne’e dehan, agora dadadaun Timor-Leste iha problema rua ne’ebé presiza tau atensaun. Primeiru mak moras Covd-19 ne’e oinsa rekoopera ekonomia, osan ba bolseiru no trabalahador sira, familia no sasan folin.

Read 4802 times
Rate this item
(0 votes)