PM Taur Retira Nia Pedidu Demisaun Featured

By Domingos Gomes Abril 08, 2020 2541
PM Taur Matan Ruak PM Taur Matan Ruak

DILI:Primeiru Ministru, Taur Matan Ruak, ofisialmente retira nia pedidu demisaun, kuarta ohin (8/4) hafoin fulan ida resin karta pediduu ne’e iha Presidente Repúblika Frasisco Guterres Lú Olo.

Xefe Governu Taur hatoo nia karta pedidu ba Presidente Repúblika, iha loron 24 fulan-Fevereiru, hafoin proposta Orsamentu Jerál Estadu 2020 (OJE) xumba iha Parlamentu Nasionál.

“Iha momentu ida hanesan ne’e, nasaun presiza ita hotu, liuliu ha’u hanesan Primeiru Ministru, tenke fó prestasaun boot ba ita-nia nasaun. Ha’u retira fila fali,”deklara Primeiru Ministru Taur, hafoin halo sorumutu ho Presidente Repúblika, iha Palacio Presidensiál, Aitarak Laran Dili.

Iha sorumutu ne’e, Primeiru Ministru informa mós kona-ba preparativu sira atu minimiza efeitu husi coronavírus ba nasaun.

“PR Lú-Olo rona no simu, tanba ne’e PR nafatin fó apoiu ba ha’u hanesan PM hodi halo esporsu masimu hodi bele minimiza efeitu coronaviru iha TL hodi labele afeta ba sidadaun sira nia vida,” sbliña nia.

Antes ne’e, Presidente Repúblika Fransisco Guterres Lú Olo deklara sei estuda pedidu demisaun Primeiru Ministru Taur Matan Ruak nian.

Entretantu, koligasaun foun ne’ebé lidera husi Presidente CNRT Xanana Gusmão ezijé atu bele anunsia ona karta demisaun ne’e. Maibé laiha desizaun no too ikus PM Taur rasik retira nia pedidu ne’e ho rajaun atu fokus ba luta kontra covid-19.

Rate this item
(0 votes)

Independente Digital TV