PM Kongratula Povu TL Featured

By Humberto dos Santos Jullu 25, 2017 1733
PM Rui PM Rui

DILI: Primeiru Ministru (PM) Rui Maria da Araujo fo kongratulasaun ba povu Timor Leste (TL).

Tanba povu hatudu sira nia matenek bele hatudu rezultadu eleisaun ne’e ho susesu.

“Ha’u hakarak lori VI Governu nia naran hato’o parabeins ba povu Timor Leste tomak, ba mensajen polítika ne'ebé sai husi rezultadu eleisaun ne’e. Matenek tebes hatudu iha rezultadu eleisaun ne’e,” dehan Rui ba Jornalista sira hafoin hasoru malu ho Xefe Estadu Francisco Guterres ‘Lu-Olo’ iha Pallasu Prezidente Nicolau Lobato Ai tarak Laran Dili Segunda (24/07).

Nia dehan, rezultadu eleisaun ne’e, eleitór sira hakarak atu paz no estabilidade, fo importánsia nafatin partidu istóriku no lider istóriku.

Maibé, loke mós oportunidade ba lider istóriku ne'ebé foin forma ninia partidu no mós ba joven sira, hanesan PD no sira seluk atu lolo liman hamutuk atu halo konstrusaun nasaun ne’e sei ba oin.

Rui hato’o mós parabeins ba partidu polítiku sira ne'ebé hetan kadeira iha Parlamentu Nasionál, ba partidu FRETILIN mais votadu, ba partidu polítiku sira ne'ebé la ultrapasa barreira, maibé partisipa iha prosesu demokrasia ne’e to’o hotu.

Rate this item
(0 votes)

Independente Digital TV