Partisipa iha Simeira Japaun, PM Japaun Agradese ba Xefe Governu Xanana Featured

By Ekipa INDEPENDENTE Dezembru 17, 2023 1118
Primeiru-Ministru Japaun, Fumio Kishida sauda partisipasaun Primeiru-Ministru, Kay Rala Xanana Gusmão hamutuk ho xefe estadu no xefe governu ASEAN iha simeira Asosiasaun Nasoens Sudeste Aziatiku (ASEAN- Japaun) ba dala-50. Foto:Media GPM. Primeiru-Ministru Japaun, Fumio Kishida sauda partisipasaun Primeiru-Ministru, Kay Rala Xanana Gusmão hamutuk ho xefe estadu no xefe governu ASEAN iha simeira Asosiasaun Nasoens Sudeste Aziatiku (ASEAN- Japaun) ba dala-50. Foto:Media GPM.

DILI:Primeiru-Ministru Japaun, Fumio Kishida sauda partisipasaun Primeiru-Ministru, Kay Rala Xanana Gusmão hamutuk ho xefe estadu no xefe governu ASEAN iha simeira Asosiasaun Nasoens Sudeste Aziatiku (ASEAN- Japaun) ba dala-50.

Xefe Governu Japaun Fumio Kishida hato’o asuntu ne’e durante simu Xefe Governu Xanana ho ekipa hala’o enkontru edifisiu servisu Nagata-cho, Choyoda-ku, Tokyo.

Xefe Governu Japaun agradese tebes partisipasaun Timor-Leste iha simeira ASEAN- Japaun atu hametin visaun no relasaun “Heart to Heart (Husi Fuan ba Fuan) entre ASEAN - Japaun hodi hamosu deklarasaun konjunta (Hamutuk) ho visaun foun ida ba futuru ida ho ninia planu implementasaun ne’ebé sei inklui mós kooperasaun konkreta iha área oi-oin.

“Bnevindu Primeiru Ministru Xanana mai iha simeira ASEAN-Japaun ba 50, agradese tebes ba ita nia partisipasaun bele hametin liu tan ita nia lasu amizade no japaun sei apoiu Timor-Leste sai membru ASEAN,” Online INDEPENDENTE sita iha komunikadu (16/12/23).

Japaun nu’udar parseiru estrateziku ba dezenvolvimentu ASEAN, kontinua apoia áreia importante hotu- hotu hodi lori nasaun Timor-Leste sai nu’udar membru plenu permanente nu’udar oportunidade osan-mean ne’ebé durante tinan balun nia laran hatudu interese ne’ebé boot atu sai membru ASEAN.

Japaun sei apoia Timor-Leste iha área ekursu umanu ne’ebé kompetente sei loke luan liu tan oportunidade atu Timor-Leste sai membru ASEAN.

Iha fatin hanesan, Primeiru-Ministru Xanana agradese ba Primeiru-Ministru Japaun Fumio Kishida ba ninia apoia tomak ba Timor-Leste ninia prosesu kontrusaun estadu no apoia infraestrutura hodi dezenvolve Timor-Leste no apoia Timor-Leste sai membru ASEAN iha tinan 2025.

“Primeiru lugar ha’u hato’o agradese konvite mai partisipa iha simeira ASEAN-Japaun ba dala-50. Aleinde ida ne’e, oportunidade ida hametin kooperasaun entre nasaun rua no nasaun ASEAN sira,” PM agradese.

Eis Prezidente Repúblika, Xanana informa katak, simeira ASEAN-Japaun ne’e oferese oportunidade ba Timor-Leste hodi truka hanoin, aprende lisaun matenek hosi ASEAN ba ninia apoiu forte adezaun Timor-Leste nian ba ASEAN no ninia empeñu atu ajuda Timor-Leste hodi implementa roteiru ba adezaun hanesan membru plenu direitu ASEAN nian.

“Japaun primeira nasaun ne’ebé desde 2.000 ajuda Timor-Leste liu husi JICA apoia ami prosesu konstrusaun estadu no ami apresiza tebes ba apoia ne’e,”tenik PM.

Previleziru tebes, Timor-Leste hetan estatutu espesiál hosi ASEAN nu’udar obserbador ne’ebé geografikamente tama Rejiaun Sudeste Aziátik presiza kria no haluan ninia estratezika kooperasaun bilaterál, multi-laterál, tri-lateral ho pais membru ASEAN.

Durante enkontru, xefe governu rua, akompaña hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay,Vise-Ministra ba Asuntus ASEAN, Milena Maria da Costa Rangel no Embaixador Japaun ba Timor-Leste, Ilidio da Costa Ximenes ho ekipa la’o ho ambiente amizade tebes.

Vizita ne’e termimina ho serimónia entrega prendas ba malu entre xefe governu rua hodi hametin liután kooperasaun mutual entre rai ruan ne’ebé la’o dadaun.

Rate this item
(0 votes)
Last modified on Segunda, 18 Dezembru 2023 11:32

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30