Partidu Xanana ‘Rende’ Husu FRETILIN Ukun Hamutuk Featured

By Aquino Gomes Maiu 05, 2020 6111
Foto anterior: CNRT ho FRETILIN halo kampanha ba eleisaun Presidensial. Foto anterior: CNRT ho FRETILIN halo kampanha ba eleisaun Presidensial.

DILI:Liu husi konflitu politika iha tempu naruk entre partidu boot sira lidera husi Kay Rala Xanana Gusmão (CNRT) ho Mari Alkatiri (FRETILIN) too ikus Bankada Congresu Nasionál Rekonstrusaun Timorense (CNRT) iha Parlamentu Nasionál husu ba partidu FRETILIN atu ukun hamutuk nuudar solusaun di’ak ba politika rai laran.

Prezidente Bankada CNRT, Duarte Nunes hatete, espresaun hanesan reprezentante povu husu ba partidu boot CNRT no FRETILIN buka malu tuur hamutuk hodi solusiona povu nia moris.

“Partidu CNRT-FRETILIN mak responsabilidade boot liu, tanba povu fó fiar ona ba sira, ami nia hanoin katak tempu ona atu partidu boot rua ne’e haree  dalan oinsa atu resolve problema ne’ebé to’o agora povu infrenta hela,”dehan Duarte, liu husi konferensia impresa, sala Bankada CNRT, tersa (05/05).

Nia dehan, tanba povu fó fiar ba sira, tenke tuur hamutuk buka solusaun. Atu halo partidu boot rua ne’e tenke buka dalan, espera katak iha tempu badak bele hetan solusaun ba ida ne’e.

“Ida ne’e ami hanesan reprezentante povu, ami preokupa povu nia moris ami tenke ko’alia. Atu ami nia partidu rona ka la rona, mais ida ne’e ami tenke kolia,”nia dehan.

Partidu boot rua CNRT ho FRETILIN iha obrigasaun tenke buka solusaun ba politika rai laran agora dadaun ne’e, tanba iha eleisaun povu fó fiar tomak ba sira.

“Partidu boot rua hamutuk kadeira 44 ona, maibé sira iha reponsabilidade ka la’e atu hamrik iha povu nia oin dehan ami fiar ita boot sira, ami buka imi nia moris, mais agora iha ne’ebé ida ne’e mak importante,”nia hateten.

Bankada CNRT mós preokupa atu Prezidente Repúblika hanesan Xefe Estadu iha obrigasaun tomak tuir konstitusaun atu haree problema ne’ebé agora mosu iha povu nia leet.

Rate this item
(1 Vote)

Independente Digital TV