Nia hatutan, maske parte saneamentu sira lor-loron iha tuku 6:00 dader, raut ona foer sira nee, maibé lixu kontinua namkari iha fatin públiku sira.

“Fatin ba lixu sira iha Dili laran ita kria hela, hanesan ita boot sira hare katak, kareta ne'ebé mak agora daudauk autoridade munisipiu halo konkursu ho kompañia sira, ba karreta sira ne'e selu hotu ona hodi raut fo'er,”dehan nia ba jornalista sira iha knar fatin, kuarta horseik (30/03).

Nia haktuir, komunidade sira iha Kapital Dili, tenke hatene katak, iha Dekretu lei dehan, lixu sira ne'e so'e iha tuku 16:00 to'o tuku 19:00. Nunee, parte saneamentu sei raut, hahú iha tuku 6:00 ou tuku 7:00, husi segunda to’o sabado.

Enkuantu, komunidade sira nafatin seidauk iha konsensia atu soe foer iha nia fatin.

"Entaun husu ba komunidade sira atu haree fatin ne'ebé sira hela ne'e, iha fatin lixu ne'ebé estadu tau, favor ida lori foer ne'e ba tau iha ne'ebá,”tenik nia.

Tanba nia dehan, kauza husi soe foer arbiru nee mak hamosu inundasaun iha Kapital Dili.