Osan Solidariedade $4,708 Apoia Klinika Bairo Pite Featured

By INDEPENDENTE Abril 20, 2018 3019
Dr. Daniel konsulta hela pasiente sira Dr. Daniel konsulta hela pasiente sira

DILI:Movimentu Solidariedade konsege halibur osan hamutuk montante $4,708.0,65 dollar Amerika hodi salva Klinika Bairo Pite ne’ebé hetan krize finanseiru.

Asaun solidariedade husu kontribuisaun ba komunidade hahú husi osan sentavus (0,05). Asaun ne’e hala’o iha kapital Dili, MauFahi, Ainaro, Suai nomós Timoroán sira iha Englatera (Bridg Water), hahú iha loron 4 too  20 fulan-Abril ohin  remata.

Asaun solidariedade ne’e hala’o husi estudante no movimentu sira hanesan, UNTL, UNITAL, UNDIL, UEUMB, ASEMA, MHJTL no ativista ONG no midia nasionál sira.

Iha konferensia ba imprensa, porta-voz Movimentu Solidariedade Salva Klinika Bairo Pite, Faustino Soares hatete movimentu solidariedade oras ne’e dadaun sei tuun direitamente ba halo kontribuisaun popular iha públiku hodi apoiu ba klinika Bairo Pite ne’ebé oras ne’e hasoru hela problema.

‘Ami hahú hala’o atividades iha loron 4 fulan-abril hodi tuun direitamente ba halo kontribnuisaun popular iha dalan ibun hodi halibur osan 0,50 ba leten hodi salva klinika povu maubere nian ne’ebé tan krize  finansiamentu,”dehan nia, iha Asosiasaun HAK Farol Dili, horiseik(19/02).

Movimentu Solidariedade mós kontinua ba publiku ne’ebé iha hanoin hodi apoiu  sentavus 0,50 ba leten bele lori direitamente. Tanba  kontribui ne’e mós  mai husi povu aileba, estudante kondutor transporte publiku iha kapital Dili laran no maluk negosiante sira, inklui ema estranjeiru.

Osan sira ne’e sei entrega direitamente ba fundador Klinika Bairo Pite iha loron 25 fulan-Abril.

Faustino mós hatete, kontrbuisaun ne’ebé rekolla iha munisipiu sira, hanesan Manufahi, Suai, Ainaro no Englatera seidauk entrega.

Tuir planu iha futuru sei intala mós kaixa permante iha Hotel Timor, Turismu no Timor Plaza, atu ema bele apoiu netik sentavos lima hodi apoiu ba klinika Bairo Pite.

Tuir observasaun diariu Independente nota, hafoin konferensia ba imprensa, Movimentu Solidariedade halo kedas atividades ba merkadu komoro hodi husu apoiu komunidade to’o data ne’ebé mak determina.

Rate this item
(0 votes)

Independente Digital TV