Okupante Jacinta da Silva nuudar Espoza husi Seguransa eskola ne'e hatete, sira okupa areador eskola 30 Agostu hahú iha tinan 2008.
Nune’e nia dehan, tuir informasaun husi Servisu Edukasaun Munisipiu Dili ne’ebé husu atu okupante iha areador eskola sira atu hamamuk fatin, tanba ne’e sira koopera atu hamamuk fatin refere iha tempu badak nia laran, maske Governu seidauk identifika fatin ne'e.
“Maibé ami rona ona informasaun, prontu ba dezenvolvimentu rai ne'e nian, ita hotu tenke koopera, tanba aredores eskola la’ós fatin privadu, maibé fatin aprendizajen ba labarik sira hodi hala'o sira nia estudu,”dehan nia ba Jornalista Online INDEPENDENTE, iha areador EBC 30 Agostu, Komoro, Dili, Kuarta ne’e (16/07/25).
Iha fatin hanesan, Diretór EBC 30 Agostu, Komoro, Baltazar Barromeu hatete, okupantes ne'ebé hela iha aredores eskola nian, iha manorin nain ida no seguransa ida, maibé sira rona informasaun katak Governu atu hasai, nune’e sira prontu koopera ho Governu no tempu badak sei hamamuk fatin ne'e.
“Nune'e Okupante mestra horseik hamamuk ona fatin no sira rasik mak sobu sira nia fatin, nune’e hela de'it seguransa ida ne'e maka seidauk sai, maibé tempu badak sei sai mós husi fatin refere,”dehan Diretór Eskola ne’e.
