OJE 2026 ba SEKoop Aprovadu iha Espesialidade

Novembru 17, 2025

OJE 2026 ba SEKoop Aprovadu iha Espesialidade ^Featured

By Ivonia Varela Novembru 17, 2025 128

Deputadu sira iha Parlamentu Nasional halo votasaun ba Orsamentu ba Sekretaria Estadu Kooperativa, iha PN, Segunda (17/11). Foto:IDTV

DILI: Orsamentu Jerál Estadu (OJE) tinan 2026 ne'ebé aloka bá Sekretariu Estadu Kooperativa (SEKoop) ho montante millaun $3.611.276 pasa iha espesialidade.

"Rezultadu votasaun a-favór 43 kontra 0 abstensaun 22 ne'ebé Orsamentu bá Sekretaria Estadu Kooperativa Pasa," dehan Prezidente Parlamentu Nasionál Maria Fernanda Lay iha Parlamentu Nasionál, Segunda (17/11).

Enkuantu, Orsamentu bá SEKoop ho montante $3.611.276 fahe ba kategoria, salariu no vensimentu $1.555.767, bens no servisu $2.055.519, tranferensia públiku 0 kapital menor Rihun 0 no dezenvolvimentu 0.

Entretantu, Orsamentu ne'e sei benefisia ba programa boot ruan hanesan, programa 023: dezenvolvimentu rurál no Urbana ho nia sub-programa promove no estabelese Kooperativa, no programa 510 konsa ba funsionamentu no dezenvolvimentu instituisionál ho nia sub-programa hanesan funsionamentu instituisional no dezenvolvimentu instituisional.

Rate this item

(0 votes)